عمرو الدردير يوجه رسالة ناريه لأحمد مجاهد ويكشف موقف الزمالك من الانسحاب من القمة : احنا مبنتهددش!!

اكد عمرو الدردير ضيف برنامج زملكاوي عبر قناة الزمالك والمتحدث الرسمي بإسم النادي ان الزمالك يرفض لهجة التهديد فى تصريحات احمد مجاهد

حيث قال :  احنا كنادي الزمالك بنرفض لغة التهديد والزمالك عنده جماهير بملايين ومينفعش رئيس اللجنة يهدد وفي نظام وسيستم انا كنادي الزمالك بعتنا رسمي واصدرنا بيان ردا على التصريحات

وواصل : هو مبعتليش ان في حكام مصريين للقمة وبعت له جواب رسمي ان انا رافض، الزمالك رافض وموقفنا مش هيتغير ونرفض مبدأ الانسحاب

واضاف : لو احمد مجاهد عاوز يلعب بمصريين هنلعب بس لو حصل كارثة هو يتحملها لاننا اعلنا موقفنا ونرفض التأجيل ونطالب بشكل قوي بحكام اجانب ولو حصل هفوة في وجود الحكم المصري التحكيم هو اللي هيدفعوا التمن

واتم : والزمالك رافض تأجيل المباراة تماما ، مش حد عنده اصابات وغيابات ويتعمل فيلم هندي ولسه الوقت كافي لاستقدام حكام