قناة الزمالك تعلق بقوة على تصريحات محمد عواد.. وتوضح حقيقة مشاركته مع فريق الشباب ورحيله عن الفريق

علق محمد أبو العلا مقدم برنامج ” زملكاوي ” على تصريحات حارس مرمى الفريق محمد عواد بطلبه الرحيل عن الفريق خلال الفترة المقبلة.

وقال أبو العلا في حاجة مكنتش أحب أتكلم عليها النهارده وقبل مباراة البنك الأهلي وهي تصريحات لمحمد عواد ومكناش نحب اي مشكلة تطرح في الوقت ده ومكنش ليه أي لازمة.

وتابع، مفيش أي مبرر يكون في حاجه تعكر الجو العام خاصة في الوقت ده بعد الخسارة من الأهلي والخروج الافريقي ومرحلة التخبط وبعد ما بدأ المسار يتصحح وأخدنا 3 نقط من الإنتاج الحربي.

وواصل، عندك ضغط مباريات الفترة الجايه لان تصريحات عواد هتتاخد عليه هو لاعب دولي ولاعب كبير وأي حد يجره لتصريحات زي دي.

وأكمل اللاعب من حقه يزعل لكن لازم يختار التوقيت وتتكلم في الغرف المغلقة والجهاز الفني قال في تدوير وكل واحد هياخد فرصته وشوفنا أبوجبل وجنش شاركوا

وأتم كلمنا أسامة نبيه المدرب العام للزمالك ووضح لنا سبب عدم مشاركته وهو ابتعاده أكثر من عام عن حساسية المباريات، والجهاز الفني رأي أنه لازم يتم تأهيله للعودة من جديد وعن قصة فريق الشباب طلب منه المشاركة في مباراة ودية عشان ياخد على حساسية المباريات، وكلمنا عواد ومردش علينا.