مدحت العدل يعلق لأول مرة على هزيمه الزمالك أمام الأهلي.. لو كنت رئيس النادي هعمل كده فورا!!
شن مدحت العدل، المرشح المحتمل لرئاسة نادي الزمالك، هجوما حادا على لاعبي الفريق الأول بعد الخسارة أمام الأهلي، أمس الأحد، بثنائية مقابل هدف، في المباراة المؤجلة بينهما من الأسبوع الرابع من بطولة الدوري المصري الممتاز.
وقال مدحت العدل خلال مداخلة ببرنامج “اللعبة الحلوة” على راديو “أون سبورت إف إم”: “لاعبى الزمالك بقى عندهم عقدة نفسية أمام الأهلى، نازلين نلاعب فرقة إحنا أعلى منها فنياً”.
وتابع: “كارتيرون نازل يدافع معرفش ليه، كان فاكر نفسه مثلا هيلاعب بايرن ميونيخ”.
وأضاف: “فى استهتار فى الملعب الشوط الأول حاجة تكسف بجد، مدرب مش جرىء وقاعد جنبه أسامة نبيه بيعمل إيه معرفش، منزلين مروان حمدى اللى الجزيرى أحسن منه عشر مرات، حاجة تحرق الدم”.
وواصل: “محمود علاء مش عارف يشوط ركلة جزاء طب ما تقعد على جنب أحسنلك”.
واستكمل: “فرجانى ساسى عايز 2 مليون يورو ليه عمل ايه للزمالك فى المباريات الكبيرة، أوباما جاى الزمالك يعمل إيه خايف ومرعوش أخره مليون جنيه فى السنة، وأخره يلعب فى الاتحاد السكندرى”.
وأردف: “لاعبى الزمالك أصغر من تى شيرت القلعة البيضاء، لو كنت رئيس النادى كنت أمشيهم فوراً وأجيب أشبال، عارف الدورى لسه بدرى بس لو فضلنا كده يبقى راح فى داهية “.
واختتم: “طلعت قولت جنش الحارس التاريخى للزمالك وفى الآخر يتشاط عليه كورتين يدخلوا مرماه، كنت غلطان طبعاً بس الأهداف الكوميدية دى، مرعوبين وخايفين من إيه ماتلعبوا كورة”.
