اخبار الزمالكميديا الزمالك

خالد الغندور يعلن التضامن مع موقف الأهلي ويطالب الخطيب بعدم التراجع : الزمالك يدعمك !!

اكد خالد الغندور مقدم برنامج زملكاوي عبر قناة الزمالك انه يدعم بيان الاهلي بطلب حكام اجانب لمبارياته ويتمني تمسك الاحمر بموقفه

حيث قال خالد الغندور :من امبارح الدنيا وقامت ومقعدتش علشان الاهلي اتغلب، طب ما احنا اتغلبنا وانطرد مننا فرجاني ساسي والاهلي قال الكرة اللي جه منها الجول مش فاول ومحمد هاني له ضربة وحسين الشحات له ضربة جراء

وواصل : الاهلي عاوز حكام اجانب لكل ماتشاته ، القصة دي سمعتها كتير وهل هي وسيلة ضغط ولا رغبة الاهلي؟ ولا احمد محاهد الصدديق الصدوق للاهلي هيرفض بعد دعمه للحكام المصريين

واستطرد : احنا هنا من قناة الزمالك وجماهيره في ضهر الاهلي وبنطالب محمود الخطيب ومجلس ادارته بعدم التراجع اوعى ترجع في كلامك لازم حكم اجنبي وفى تقنية الفار حكم اجنبي

واشار : لازم كل ماتشات الاهلي بأجانب، على الاقل الحكم لفرنسي او الالماني و الاسباني اللي هيحكم للاهلي هيشوف رقم كده وهو فى غرفة الفار هيقوله مين ده هيقوله اذ ذس وليد سليمان ده كوع وليد مش هيقوله لالا ده طارق حامد لازم ينطرد

واتم : الاهلي مطلع بيان ومتكلم عن التحكيم ومقالش ان وليد سليمان يستحق الطرد، زي ماحنا هنا ياسر عبدالرؤوف قال كل حاجه واتنرفزت من ياسر بصراحة جبنا كل حاجه ع الزمالك وطرد طارق حامد وقولنا كده علي طارق انه مادام اخذ انذار كان لازم انذار تاني  وطرد

close