رضا عبدالعال يهاجم موسيماني بعد مباراة صن داونز .. كسب بالحظ وساب لعيبة عاملين زي العجلة المخرومة – فيديو

هاجم رضا عبدالعال لاعب نادي الأهلي السابق ومنتخب مصر، موسيماني بعد فوز فريق الأهلي على فريق صن داونز الجنوب إفريقي في ذهاب ربع النهائي من دوري أبطال إفريقيا.

وقال رضا عبدالعال، خلال برنامج ” البريمو ” المذاع عبر قناة ” TEN “، هو فين الأهلي اللي كسب بسهولة ده!، ده تقريبا مجاش ليه ركنية، الأهلي فاز بالحظ.

وتابع، خط النص اتسرق من النادي الأهلي، بسبب حسين الشحات وطاهر محمد طاهر، لان الفريق كان مضغوط ومحدش بيسحب الفرقه لقدام.

وواصل، الأهلي معاه توفيق كبير، ولولا الشناوي كانت النتيجة أتغيرت تماما، وده ظهر يوم مباراة الزمالك لما تألق ومنع هدف لشيكابالا ومتابعة اشرف بن شرقي.

وأكمل، فرقة كبيرة وكل حاجة بس أنا النادي الأهلي، فين الراجل اللي قاعد برا ده بيعمل ايه، معاه على الدكة برا ناس تضيف وسايبهم.

وتابع، مش طبيعي اسيب المباراة ولعيبة عاملة زي العجلة المخرومة، وانا بلحمها وعارف انها في اي وقت هتبوظ، لا ما أنا ابدأ بالعجلة السليمة من الأول، لانه هو اللي هيشيل الليلة ، هو كسب بدون أداء.

وأكد، كان لازم يلعب أكرم توفيق لانه عنده قوة أكثر وروح أكثر وده اللي لازم يعمله المباراة اللي جاية ومحمود كهربا لو مش عايز يلعبه يطلع يقول بوضوح، المباراة اللي جاية لازم ناس بتجري عشان أمن.

وأتم، النهاردة الأهلي ربنا بيحبه، أنه كسب مباراة رخمة، الضغط والاستحواذ كانوا لصن داونز، والهجمات والركنيات، هو فين موسيماني النهاردة !.

شاهد :-