اخبار الاهليميديا الزمالك

شاهد : رضا عبدالعال يفحم نجم الأهلي على الهواء بعد مباراة صن داونز – فيديو

سخر رضا عبدالعال لاعب نادي الأهلي السابق ومنتخب مصر، من فوز فريق الأهلي على فريق صن داونز الجنوب إفريقي في ذهاب ربع النهائي من دوري أبطال إفريقيا.

وأفحم رضا عبدالعال، محمد فاروق نجم الأهلي السابق ومقدم برنامج ” البريمو ” المذاع عبر قناة ” TEN “، بعدما تحدث عن فوز الاهلي السهل على صن داونز.

وقال رضا عبدالعال، هو فين الأهلي اللي كسب بسهولة ده!، ده تقريبا مجاش ليه ركنية، الأهلي فاز بالحظ.

وتابع، دي اسهل بطولة لدوري أبطال افريقيا، والأهلي كان محظوظ جدا أنه يكسب النهاردة فريق صن داونز وهو ملعبشي اصلا.

وواصل، الأهلي معاه توفيق كبير، ولولا الشناوي كانت النتيجة أتغيرت تماما، وده ظهر يوم مباراة الزمالك لما تألق ومنع هدف لشيكابالا ومتابعة اشرف بن شرقي.

وأكمل، هي الناس بتقول الأهلي ليه ضربة جزاء أزاي ؟، هما مش كل الخبراء والحكام اللي بيطلعوا في القنوات يوم مباراة الأهلي وطلائع الجيش لما الشناوي عمل نفس الحركة قالوا مش ضربة جزاء.

وأكد، الناس بتحب تاخد كل لقطة على مزاجها، لما الأهلي كان بيلعب في الدوري وحصلت من الشناوي قالوا مفهاش ضربة جزاء، لكن في افريقيا وقدام صن داونز يبقى ضربة جزاء.

وأوضح، لا الحكم كان النهاردة هايل، لأنه لو مكنشي هايل كان طرد أيمن اشرف في الكرة اللي اتزحلق فيها على الواد وبعد ضغط لاعبي صن داونز.

وأتم، النهاردة الأهلي ربنا بيحبه، أنه كسب مباراة رخمة، الضغط والاستحواذ كانوا لصن داونز، والهجمات والركنيات، هو فين موسيماني النهاردة !.

شاهد :-

close