تعادل فريق الكرة الأول بنادي الزمالك سلبيا مع فريق الجونة في المباراة التي جمعت الفريقين على ستاد خالد بشارة بالجونة ضمن مباريات الجولة الخامسة والعشرين للدوري الممتاز ليرتفع رصيد الزمالك الي النقطة 55 في المركز الأول.
ومن جانبه قال أسامة نبيه المدرب العام لنادي الزمالك :” هاردلك نقطتين راحوا بس بنشكر اللاعبين على الفترة اللي فاتت كلها بس صادفنا سوء حظ كبير اننا مقدرناش ناخد الـ 3 نقط”.
وأشار :”عندنا غيابات كتير جدا بس كل اللاعيبة جاهزة .. بعد تأجيل ماتش الكاس بقى عندنا فترة كويسة الفترة اللي جاية اللي هي غير معلومة عشان المواعيد مش معروفة”.
وأضاف ” نبيه” في المؤتمر الصحفي للقاء الذي حضرة بدلًا من الفرنسي باتريس كارتيرون :”وارد جدا نخسر نقطتين مطلبانش بشكل رسمي تأجيل ماتش الجونة عشان عايزين نساعد ونمشي الدنيا”.
وتابع :” فترة الراحة اللي جاية كويسة لانها ممكن تبقى لحم بين موسمين .. التحكيم دائما له وعليه ومش عايز اعلق عليه كتير”.
وقاد الفرنسي باتريس كارتيرون المدير الفني للفريق الأول لكرة القدم بنادي الزمالك مباراة الفريق أمام الجونة المقامة باستاد خالد بشارة في الجولة الخامسة والعشرين لمسابقة الدوري الممتاز من المدرجات.
ونفذ المدير الفني للفريق عقوبة الإيقاف لمدة مباراتين بعد إيقافه عقب مباراة الإسماعيلي الأخيرة في دور الستة عشر لمسابقة كأس مصر.
