أكد المستشار هشام إبراهيم نائب رئيس اللجنة المعينة لإدارة نادي الزمالك على سعي اللجنة المكلفة للحصول على كافة حقوق النادي في كافة الملفات.
وقال ” إبراهيم” :” إدارة الزمالك متواصلين وفي مستندات هتكون عند المستشار عادل الشوربجي بكره تثبت اننا قدمنا الاستئناف الخاص بإمام عاشور احنا مش، ساكتين حتى لو اتوقف الـ 12 مباراة لازم أجيب حقه وان احنا ارسلنا التظلم، وممكن تنفذ العقوبة وبعدها تاخد براءة”.
وأشار :” موضوع شيكا هنقدم تظلم بكره للجنة الاستئناف لان في تنمر ولازم يحصل عقوبة للجماهير
اتحاد الكرة هل بيشتغل. بالأهواء ولا بالقانون لان التنمر مجرم قانونا فين عقوبتك احنا متغربين أكثر منهم رغم أننا اللي المتضررين”.
وأضاف ” إبراهيم” في تصريحات لبرنامج ” زملكاوي” على قناة ” الزمالك”: ” لو عايزين تعطوا الدوري لنادي معين نريح تعب الأعصاب، هل لما يكون جماهير نادي تتنمر على لاعب وتعطيهم 50 ألف غرامة”.
وتابع :” احنا بنضغط الزمالك ليه علشان هو متصدر ويحصل عنده دروب علشان المنافس يلعب بارتياح ويحصل على نقاط بشكل اسهل، واانا مش فاهم في ايه العب في اسكندريه وبعدها السويس”.
وتابع :” الزمالك هو بطل مسابقة 99 وبهني ولادي ومقدم شكوى في اللجنة الاولمبية وعلى تواصل معهم وبيطلبوا مستندات وبنبعتها ومش هقدر أفصح عنها”.
وأكد ” إبراهيم” :” مش هنسيب حق النادي واللجنة شغاله وبعتنا اللوائح للجنة الاولمبية ومتواصلين في جميع الموضوعات”.
وأتم :” كان يجب عدم إصدار أي قرار قبل إصدار حكم اللجنة الأوليمبية انت بتقطع عليهم وتعلني إن في ماتش يوم 25 وانت مستعجل ليه وهي بطولة ملهاش لزمة، والواضح انهم بيشتغلوا بالمزاج مش باللوائح احنا كرجال قانون هناخد كافة الإجراءات القانونية مهما كانت”.
