تعليق ناري من طارق يحيي بعد قرار لجنة مجاهد بتحديد المباراة الفاصلة بين الزمالك والأهلي

كشف طارق يحيى رئيس قطاعات الكرة بنادي الزمالك، عن قرار إدارته عقب تحديد الاتحاد المصري لكرة القدم ، يوم 26 مايو الحالي موعدا للمباراة الفاصلة بين زمالك 99 أمام الأهلي لتحديد بطل المسابقة.

وقال ” طارق” : “الشكل القانوني قدمنا مذكرة لإدارة النادي وقولنا مش هنلعب الماتش لان في لائحة تحدد إن فارق الأهداف هو الفيصل، زي ما بعتوا لفريق 2003، ومتجيش بعد الماتش ما يتلعب تعدل الامور ده امر صعب”.

واشار :” هنلعب بمين انت عندك 7 لاعبيه أساسية موقوفين وهم أساسين منهم أحمد عيد وسيف فاروق جعفر وإمام عاشور وعمر ياسر انت وقفتلي اللعيبة هلعب بمين و إذا كان المتكلم فالمستمع عاقل”.

وأضاف ” يحيى” خلال تصريحات لقناة ” الزمالك” : “مفيش بطولة السنة الجاية وهيروحو فرق هيتوقفوا أول 7 مباريات طب أحمد عيد وإمام عاشور بيشاركوا مع الفريق، الأول وايقافهم هيخلص التانين، وفي ظلم كبير للزمالك واحنا مش عارفين”.

وتابع :”إحنا هنقدم طلب تاني للجنة المؤقتة اللي بتدير النادي هلعب بمين وعندي 6 لعيبة موقوفين والقرار النهائي لهم في ظلم وعدم تكافؤ فرص وتواصلنا مع المستشار هشام ابراهيم شفويا وهنكتب له مذكرة بكره”.

وواصل ” يحيى” :”ادينوا عقلكم بس انت ليه معملتش لائحة قبل المباراة ماتنتهي زي بطولتي 2003 و2006 وهو عارف ان في خطأ وانا مشلش خطأه اللائحة مفيهاش ماتش فاصل واحنا مبندربش
فيه ايه حاجه غريبه”.

واستكمل :”مينفعش بعد البطولة ما تنتهي تعمل لائحة في تعنت غير طبيعي ضد الزمالك، برده قولنا السنة اللي فاتت البطولة عودتها هتبوظ الدوري الجاي اهو كل الأندية بتشتكي ومتعرفش الدوري هينتهي أمتى”.