حسام المندوه يطمئن جماهير الزمالك بشأن الأزمة المالية في النادي.. ويكشف اسم المتحدث الرسمي الجديد – فيديو
تحدث حسام المندوه عضو اللجنة الجديدة لإدارة نادي الزمالك عن التحديات التى تواجه اللجنة خلال عملها خلال الفترة المقبلة، مشيرًا إلي أن مشكلة التمويل تعد الأزمة الحقيقة أمام اللجنة والتى تسعى لإيجاد حلول لها بشكل سريع.
وقال ” المندوه” : “احنا في تكليف وتبارك لنا لانا كلفنا بخدمة اكثر ما نحب وهو ناديتا اللي اتربينا فيه وتقولنا شد حيلكم لان المسئولية تقيله جدا والمنصب ده شرف وبدات احس إن مهموم لأن الملفات كثيرة والتحديات كثيرة وقبلنا التحدي واحب اطمن جماهير الزمالك”.
وأشار :” انا حسام المندوة الحسيني استاذ كلية طب الأسنان جامعة قناة السويس وعضو برلماني
الوالد ترك اسم افتخر به ومحملني مسئولية ثانيه نحاول نكمل شئ من اللي هو عمله وده سبب رئيسي قبولي التكليف بدون تفكير”.
وأضاف ” المندوه” في تصريحات على قناة ” الزمالك” :” كلفت من قبل الدولة عن طريق وزير الرياضة وحسين لبيب وحسيت ان فيه انسجام ونقدر نلعب مع بعض، ونقدر نجيب أهداف لان اهدافنا واحدة”.
وتابع :” لما عرض على التكليف. والدي كان قلق وقالي النادي في مرحلة تحديات ومحتاج تاني والتاني ماخدش دقيقتين ونص وهستعين بخبرته:
وواصل ” المندوه” :” زمايلي في اللجنة وهم اساتذتي وأسماء جميله والرموز كتير في الزمالك كبار العيلة بيظهروا وقت الأزمة ومش غريب ومنطقي انهم يكونوا موجودين، والزمالك اكبر نادي في أفريقيا والشرق الأوسط، وملئ برموزه وقوته من جمهوره”
وأكد :” جمهور الزمالك لازم يقبل التحدي معنا وطالب منهم ومن الرموز وكلنا نحط هدف واحد ومقدر الصبر والالم والامل عند الجمهور عايزين كلنا نشد في اتجاه واحد كلنا محتاجين وحدة الصف، و احنا بنشكر كل مجالس الإدارات و معندناش مشاكل وعاوزين نعمل مبادرة ده بيتك وساعدنا وند ايدك معنا”.
ووجه “المنده” حديثة لجمهور الزمالك قائلا :” بطمن الجماهير موقفنا كويس في الدوري والتحديات عرفنها وكثيرة جدا ولكن الافكار النيره وخارج الصندوق وعندنا قدره على تنفيذها كتيره”
وأشار :” التحديات كثيرة جدا والافكار كثيره ونقدر نعمل منها الكثير عاوزين نطلع حاجة حلوة لنادينا وعندنا آليات لتنفيذها بطمن الجماهير وفي الوقت القريب الأفكار هتتنفذ”
وأضاف :” الزمالك حجم كبير جدا جدا ومخططين ان كل حد يكون مسئول عن ملف معين وكل واحد ياخد مهمة وينفذها وهنكون فريق عمل وهيتم التحديد يوم الثلاثاء في الاجتماع
ولفت ” المندوه” : ” عنصر الوقت ضيق جدا وعندنا حاجات مطلوبة بعد ساعتين وأمور بعد بكره وقضايا موجوده خاصه ببعض اللاعبين واخذنا بعض القرارات لانها محتاجه بكره تتعمل”
وعن أسم المتحدث الرسمي الجديد للنادي أوضح ” المندوه” :” اتفقنا ان يكون هناك متحدث رسمي وهو حسين لبيب رئيس اللجنة هو اللي هيتكلم في كل التفاصيل وانا مش هقدر اتكلم وأتمنى من الإعلام الزملكاوي يدعم ده”
واستطرد :” التمويل هو جوهر المشكلة ومش هو المشكله بس ولكن كيف تديره بحيث تستثمره
رسالة طمأنينة لكل الجهات ويكون في ثقة بينا وبينهم، وفكرنا في الموارد المالية وكان في افكار سريعة خاصة بالتمويل المالي، وانا ممكن اقول انا من شويه مهموم ولكن متفائل”
شاهد:
