حسين لبيب يكشف عبر قناة الزمالك موعد الانتخابات ومتي سيتم تسليم النادي للمجلس المنتخب الجديد !؟

كشف حسين لبيب رئيس اللجنة المعنية الجديدة لنادي الزمالك، عن موعد إجراء الانتخابات الخاصة بالنادي، وموعد تسليم إدارة النادي إلي مجلس إدارة جديد منتخب من قبل أعضاء الجمعية العمومية.

وقال ” لبيب” :” معندناش أي مشكلة مع أي طرف ومش محسوبين على أي طرف وهناخد من شغل اللجنة السابقة وبناخد خبرات الجميع وفاتحين أيدينا للجميع عددنا مش كبير واي حد ناوي يساعدنا هو بيساعد الزمالك انه يرجع من اكبر واعظم الأندية في مصر والوطن العربي”.

وأشار :”الانتخابات سيتم تسليم النادي بعد نهاية مجلس مرتضى منصور فلازم نسلم النادي يوم 24 نوفمبر وهنعمل الدعوة في سبتمبر ولكن هنسلم النادي بعد 24 نوفمبر لأن الدعوة لازم تكون قبل 45 يوم من ميعاد التسليم”.

وأكد ” لبيب” في تصريحات لبرنامج ” زملكاوي” على قناة ” الزمالك” :” احنا حايين إن النادي يرجع تاني لمجلس منتخب وده شغلنا الشاغل، ولحد مواعيد الانتخابات احنا لجنة تسيير أعمال”.

وتابع :” أول حاجة لينا هي الفرق الرياضية والتمويل ومصادر الدخل عندنا خطط، وموجودة ومش لسه هنفكر. وهتشتغل فيها من تاني يوم، وأول يوم هنعمل إجتماع ونصدر قرارات خلال اسبوعين تلاته ربنا يكرمنا”

وأتم ” لبيب” :” متوقع من اللعيبة بعدما هنقول لهم مواعيد مظبوطه كلهم بيحبوا الزمالك واللي عاوز يلبس تيشرت الزمالك ويفتخر هيقعد معانا وهيحس بالجدية ومش كلام لا كلام وفعل”.