حسين لبيب يكشف مفاجأة سارة لجمهور الزمالك حول التجديد لـ فرجاني ساسي – فيديو
تحدث حسين لبيب رئيس لجنة الزمالك الجديدة، عن عدة ملفات متعلقة بالفريق الأول لكرة القدم في نادي الزمالك، مشيرًا إلي أن اللجنة تسعى لإنجاز العديد من الملفات الهامة خلال الفترة المقبلة.
وقال ” لبيب” :” فيما يخص خوض اللجنة الحالية انتخابات النادي المقبلة، فأنا راجل بتاع كرة يد، و بلعب ماتش بماتش، وهدفي الأول هو الخمس اللى فى الأول”.
وأشار :” مش في ذهنى إطلاقًا مسألة الانتخابات والمهمة اللى احنا مكلفين بيها هو تسيير الأعمال لمدة خمسة شهور وعمل انتخابات نزيهة”
وأضاف ” لبيب” في تصريحات لبرنامج ” اللعيب” على شاشة ” إم بي سي مصر” : “إذا كان اى شخص من الإدارة الحالية حابب يرشح نفسه، دى حاجة تانية واتفقنا على أننا مش هنشتغل انتخابات خلال فترة تواجدنا فى الإدارة”.
وتابع :” هكون موجود خلال قناة الزمالك خلال اسبوعين او تلاتة، وهعلن كل حاجة، متعلقة بالفريق، واطلع واقول عملنا بالفعل كذه وكذه مش لسه هنعمل، وانا عارف ان الفريق الأول هو الشغل الشاغل للجمهور”
وفيما يخص فرجاني ساسي أوضح :” فرجاني ساسي ليه مستحقات مالية متأخرة، وأنا كلمته ساسي واديته المعاد اللى هيتم صرف الفلوس فيها وقالى هايل، وبعيدًا عن أن فرجاني مضى لنادي تاني او لا، مستحقاته لازم ياخدها
وفجر ” لبيب” مفاجأة سارة بخصوص التجديد لفرجاني ساسى مؤكدًا : “لو فرجاني ممضاش فى أي نادى وحابب يجدد ويستمر في نادي الزمالك احنا جاهزين من الصبح اننا نجدد معاه”.
وأتم :”أنا عند كلمتي وجاهز لو فرجاني ساسي حابب يمضى العقد الجديد بتاعه بكرة، لو مهند عون وكيلة موجود انا جاهز انى اجدد معاه بكرة”
شاهد:
