كشف حسين لبيب رئيس لجنة الزمالك الجديدة عن تفاصيل اجتماع اللجنة الجديدة من أعضاء اللجنة السابقين، والدكتور أشرف صبحي وزير الشباب والرياضة قبل تسلم أمور النادي، بجانب موقف شيكابالا وإمام عاشور من المشاركة أمام المصري.
ويلتقي نادي الزمالك غدًا الإثنين مع المصري في إطار منافسات بطولة الدوري العام الممتاز لكرة القدم.
وقال ” لبيب” :” اجتمعنا مع الدكتور أشرف صبحي واللجنة الحالية وشكرنا اللجنة على المجهود السابقة ومجالس الإدارات السابقة و كلنا بنكمل وراه وكانت قعدة ظريفة ونرسي مبدأ كلنا مع بعض”.
وأشار :” قعدنا مع اللجنة السابقة ساعتين ونص وحكوا لنا كل حاجه والمشاكل الموجودة وردوا على كل اسئلتنا
وأضاف ” لبيب” خلال تصريحات لقناة ” الزمالك” : “قعدنا اللجنة الجديدة مع بعض واستمعنا لآراء بعض المديرين التنفيذيين واحنا من اسبوعين بنذاكر كل الأمور واستفسرنا، وقعدنا 5 ساعات وبتسال ونستمع وبقى عندنا صورة متكاملة عن كل أحوال النادي”.
وتابع :”الميزة ان الناس مشكورين قالوا لو احتاجتونا هتلاقونا سواء جوه المجلس أو بره ونقولهم هنكمل على الملفات اللي عملتوها ومش هنبدا من جديد”.
وأكمل ” لبيب” :” أهم حاجه مصلحة النادي ومستعدين اننا نستقبل كل محبي النادي لأن النادي بتاعنا كلنا”.
وفيما يخص موقف “شيكابالا” من المشاركة مع الفريق أوضح :”اللي اقدر اقوله بخصوص موضوع شيكا وقدرته على مشاركة في مباراة المصري وتم التواصل مع أحمد مجاهد وشيكا هيشترك مباراة غدًا اللي شايفه الناس كلها عاوزه تساعد النادي”
وأكد ” لبيب” :” في حاجات ممكن نستنى عليها وحاجات لا فكان لازم نحل أزمة شيكا وموضوع إمام عاشور”.
وكان اتحاد الكرة قرر في وقت سابق إيقاف شيكابالا لمباراتين بجانب توقيع غرامة عليه بعد مباراة القمة أمام الأهلي، كما تم إيقاف إمام عاشور في وقت سابق بعد أزمة مباراة القمة أمام الأهلي في دوري 99.
وأتم ” لبيب” :”انا طبعي هادئ لكي الامور لم تتضح ميكونش فيه قرارات انفعالية وتقعد مع الناس اللي في ايديها القرار و تقدر تقنعهم بوجهة نظرك ويبقى الحلول موجودة لكن القرارات الانفعالية مش بتفيد”.
