علق حلمي طولان المدير الفني لنادي إنبي على المناوشات التي حدثت بينه وبين جمهور الزمالك المتواجد في استاد القاهرة، أثناء لقاء الفريقين ضمن منافسات الجولة الـ 22 من عمر مسابقة الدوري العام.
وقال ” طولان” :” مش عارف سبب المناوشات اللي حصلت في المدرجات انا عارف معظم اللي موجودين فوق دول مش فاهم ليه بيهاجموني”.
وأضاف خلال المؤتمر الصحفي للقاء :” عمري ما صرحت ضد نادي الزمالك او تجاوزت ضد الزمالك انا عارف مين المتزعم المدرجات، جماهير الزمالك اللي في الشوراع ذوق واخلاق هما دول جماهير الزمالك”.
وعن أحداث اللقاء أوضح :”كان في عدم تركيز في التكليفات انا مش هذكر اسماء مين اللي اخطأ، النتيجة كانت هتبقي افضل لو التكليفات اتعملت بشكل جيد وده اثر علي ادائنا”.
وأضاف:” الزمالك فريق كبير ملئ بالنجوم مفيش شك بقول لفرقتي هارد لك، عندي كورونا كتير ٤ لاعيبة وريكو عامل عملية والغيابات دي اثرت بشكل كبير “.
وتابع :” مش عندي فريق كافي غيابهم اثر طبعا الموسم اللي فات كان عندنا فرص قليلة ولكن كنا بنسجل الموسم ده نسبة التهديف قليلة جدا ولازم نشوف لها حل”.
وشهد الشوط الأول من اللقاء مناوشات بين حلمي طولان، المدير الفني لنادي إنبي، وجماهير نادي الزمالك المتواجدة في المقصورة الرئيسية خلال أحداث الشوط الأول.
