خالد الغندور يفضح تعنت احمد مجاهد ضد الزمالك فى تظلم امام عاشور .. ويكشف كواليس جديدة !!
كشف خالد الغندور مقدم برنامج زملكاوي عبر قناة الزمالك عن موقف غريب من اتحاد الكرة في التعامل مع استئناف امام عاشور
حيث اكد انه تم اتباع الخطوات حسب ما وصف اتحاد الكرة فيما يخص تقديم الاستئناف او التظلم علي القرار الصادر ضد لاعبيه ، وتم قبول الكل وتجاهل امام عاشور
حيث قال الغندور : اتحاد الكرة بيقول حاليا أن الزمالك مقدمش تظلم بخصوص إمام عاشور، أو التظلم موصلش بسبب عدم دفع رسوم التظلم
واشار : أنا هشرحلكم من الاول للنهاية، لجنة الزمالك أجريت اتصال باتحاد الكرة، علشان يعرفوا التظلم بيتقدم ازاي.
وواصل : اتحاد الكرة رد ابعت تظلم عن طريق الفاكس، الزمالك قالهم أنه مش هينفع فلوس أنا ليا فلوس عندك في الاتحاد حقوق البث الخصم منها، واتحاد الكرة وافق
واستمر : لكن الاتحاد طلب أن إمام عاشور يكون في تظلم لواحده، لان اللاعيبه الاخرى موقع عليهم عقوبة مختلفة.
واستكمل : والفاكس صادر رقم ٨١ و٨٢و٨٣، الأول خاص لأحمد عيد واللاعيبه الاخرى، و٨٢ خاص بإمام عاشور، و٨٣ هو استفسار عن موقف إمام عاشور هل يجوز له خوض المباريات من عدمه، وبالفعل اتحاد الكرة رد على للاستفسار انه مينفعش يلعب لحين البث في الأمر.
واتم : يبقى ازاي تظلم أحمد عيد والاستفسار وصل اتحاد الكرة، وتظلم إمام عاشور الوحيد اللي موصلش، عموما الزمالك قام بعمل محضر في النيابة العامة ضد اتحاد الكرة، وما حدث مع إمام عاشور فيلم عربي أو هندي والحقيقة هتبان، وكل ما يحدث مع اللاعب غير قانوني.
