خالد الغندور يفضح حملة رضا البلتاجي بالتعاون مع عدلي القيعي للقضاء علي طارق حامد

انتقد خالد الغندور مقدم برنامج زملكاوي عبر قناة الزمالك الخبير التحكيمي رضا البلتاجي ومحاولة سخريته من طارق حامد لاعب خط وسط الزمالك ومطالبته بطرده من سبع سنوات

حيث اكد خالد الغندور ان هناك حمله من رضا البلتاجي ضد طارق حامد ويتجاهل وليد سليمان لاعب الاهلي رغم انه تسبب في أذي لعدد كبير من اللاعبين

حيث قال خالد الغندور : رغم صعوبة اخر مباراتين الا ان الفوز اسعد الزملكاوية واصبح الفارق يتسع رغم ان في مباريات كتير متأجله للاهلي

واشار : وفوجئت برضا البلتاجي بتتريق على لاعب من احسن لاعبي مصر وبيحلل بالصورة وبيقول المفروض طارق حامد يطرد من 7 سنين وبيكلم عن طارق حامد بشكل لايليق

واستكمل : وهو لايجرؤ يتكلم علي وليد سليمان كده
، وللاسف بعض الزملكاوية وفي قنوات تانيه قالوا طارق يستحق الطرد انا دخلت على القانون وقرات وكابتن ياسر عبدالرؤوف اللي كتير بيختلف معه قال يستحق انذار للتهور

واستطرد : هي حملة ممنهجة من قناة الاهلي ومن عدلي القيعي ومن قنوات كتير ضد طارق حامد ومحدش يتكلم عن وليد سليمان الا قناة الزمالك بتكلم عن وليد لانه لاعب مهاري واذى لاعب عندي وضربة عبدالشافي قعد 8 شهور في البيت وماخدش انذار وكان فيه فار

واضاف : طارق حامد عمره ما اذى حد وكوع طارق حامد امبارح كان فى صدره واللاعب لم يتالم ومكنش فيها اي حاجه ومكنتش فى وجه اللاعب والقانون بيقول الطرد حال الضرب في الوجه

وواصل  : والبنا شافها انذار وحصل 100 مرة محدش انطرد عليها اللي بيطرد اللي بتكون في الوجه ، لكن لازم طارق حامد ينطرد