خالد الغندور يكشف المسكوت عنه في ملف إيقاف ناشئ الزمالك.. ويوجه أسئلة نارية لـ أحمد مجاهد على الهواء

وجه الإعلامي خالد الغندور مقدم برنامج ” زملكاوي” على قناة ” الزمالك” عدة رسائل إلى أحمد مجاهد رئيس اللجنة الثلاثية في اتحاد الكرة بشأن إيقاف لاعبي نادي الزمالك بعد مباراة قمة الشباب مواليد 99 أمام النادي الأهلي.

وكان اتحاد لكرة قد أعلن عن إيقاف عدد من لاعبي نادي الزمالك على رأسهم إمام عاشور وأحمد عيد بعد مباراة القمة أمام الاهلي مواليد 99.

وقال ” خالد” :” انا عندي من الـ 6 اللي اتوقفوا، إمام عاشور مقيد فريق أول و أحمد عيد مقيد في  فريق 2001 والباقي مقيد في مسابقة 99، والمسابقه اللي حصل فيهم العقاب مسابقة 99 وفي ماتش فاصل بعد يومين و أحمد عيد فريق 2001 وإمام”.

وأشار :” مين قال ان انا عملت سلوك غير رياضي في 99 واتوقف في في 99 والفريق الأول وفريق 2001
هل هحسب المباراة الفاصل إيقاف لامام، ولا الفايق الاول الجهابذة”.

وأضاف ” زملكاوي” على قناة ” الزمالك” :” هل باقي اللعيبة موقوفة فريق أول ليه، هو الفعل حصل في الفريق الأول، وهل هوقف أحمد عيد في فريق 2001 و99 وفريق أول، وفي لعيبة مش لتلعب فريق أول اوقفهم فريق أول ليه”.

وتابع :” الأهلي بيلعب وليد أزارو قطع التيشرت هل يتوقف في الدوري قالوا لا دي مسابقة ودي مسابقة
حد يفهمني إزاي يتوقفوا فريق أول فهموني يا جهابذة اتحاد الكرة، ويا أحمد يامجاهد دور على حل وعارف ان الناس هتكلمك الحق فكر في حل ورد”.

وواصل :” إمام عاشور من حقه يلعب مع 99، لجنة الانضباط عملت اللي أحمد مجاهد عاوزه وبعدها مشيت
اللعيبة دي تتوقف ايه 99 ولا 2001 ولا فريق أول وتحسبهم فريق أول ليه”

وأكمل :” أحمد عيد وهقعد ارغي كتير لان ده سمك لبن تمرهندي لان مفيش لوائح و مبيعرفوش حاجه وكله بالمزاج زي احمد الشناوي اللي خففتوا عقوبته، مرة 2 و 3 السؤال اللي خالد الغندور بيوجه لاتحاد الكرة ولجنة المسابقات”.

وواصل :” لا يستطيع إيقاف لاعب الأمن خلال الشريط الأصلي والماتش كان مذاع، والفيديو ده مش في الشريط الاصلي وانما مسرب من كاميرات النادي المنافس ووقفتهم علشان خاطر النادي الاهلي معنديش مشكله”.

واستطرد ” الغندور” :” أحمد عيد اوقفه في كل المسابقات فريق أول و2001و99، والمستشار عادل الشوربجي قال يتوقفوا في اي مسابقة اقسم بالله ما مصدق اي 8 ماتشات في أي مسابقة مش المسابقه الي حصل فيها الفعل”.