خالد الغندور يكشف موعد عودة إمام عاشور لمواجهات الزمالك.. وموقف شيكابالا من مواجهة الجيش

وجه الإعلامي خالد الغندور مقدم برنامج ” زملكاوي” على قناة ” الزمالك” عدة أسئلة إلى اللجنة الثلاثية في اتحاد الكرة بشأن العقوبات الموقعة على بعض لاعبي الفريق الأول ومنهم إمام عاشور ومحمود عبد الرازق “شيكابالا” قائد الفريق الأول.

وقال ” الغندور” :” وقفوا إمام عاشوو علشان ضرب وليد سليمان وشتم ناس مش من عناصر اللعبة ومحمود وادي اللي شتم الحكم بالأم خففوا عقوبته، وسألنا عادل الشوربجي رئيس لجنة التظلمات باتحاد الكرة، ورفض يدخل يقول الكلام ده وقال انهم اي 8 ماتشات وماتش 99 يتحسب”.

وأشار :” أحمد عيد عنده ماتش مع 2001 الساعه 3 و ماتش 99 في نفس الميعاد وماتش بالليل مع الفريق الأول، فهل هيحسبها 3 ماتشات من الـ 8 وبعد 3 أيام احسبله 3 ماتشات ويبقى كده خلص الـ 8 ماتشات في أسبوع”.

وأضاف ” الغندور” خلال تقديمه حلقة جديدة من برنامج ” زملكاوي” على قناة ” الزمالك” :” عندنا لا لوايح لا عقل، وعندنا لعيبة محترمة لم يكتب لهم اللعب مع الفريق الأول، منهم يحيى مفتاح وسيف مش مقيدين فريق اول ليه تحسب لهم ماتشات الفريق الاول.

وتابع :” لو لاعب أخد طرد فريق أول، هل هيتوقف ماتش فريق اول ماتش 2001، وخدنا انفراد من المستشار عادل الشوربجي ان الماتش الفاصل لـ 99 هو الماتش الـ 12 لإمام عاشور”.

وأكمل ” الغندور” :” اي لاعب هيخلص إيقافه في يومين باحتسابهم مع الفريق الأول بطولات الناشئين
عمرها ما حصلت في التاريخ ان 8 مباريات يتحسبوا مع الفريق وفي 3 عمرهم ما تمرنوا مع الفريق الأول و عقوبتهم كانت مع الفريق الاول وهم مش مقيدين اصلا فيه”.

وأكد ” الغندور” :” نتمنى الناس تجاوب انا بتسائل، لاعب أخد انذار في انذار 2001 هي يلعب فريق أول ولا لا، وأحمد عيد انطرد مع 2001 وهشيله الطرد علشان ملعبتش مع الفريق الأول ويقدر يشارك مع فريق 2001 لان نفذ الإيقاف مع الفريق الاول”.

وأتم ” الغندور” :” شيكا من حقه يلعب 99 هل لو كان بكره ماتش 99 هقوله خلاص شيكا أتوقف ماتش 99 وماتش فريق أول ويقدر يلعب ماتش الجيش”.