طارق حشيش.. كل أزمات الزمالك المالية هتتحل في الموعد ده.. وبوجه رسالتي لساسي قبل التجديد
حل المستشار المالي لنادي الزمالك، طارق حشيش ضيفا في برنامج زملكاوي مع محمد ابو العلا عبر قناة نادي الزمالك، للحديث عن الصعوبات التي يواجها الفريق وكيف سيتم حلها.
وقال حشيش، “عندنا عدد من المدربين واللاعبين تم إنهاء تعاقدهم وفق القانون وكان في
باتشيكو كان ليه شهرين شرط جزائي، والزمالك اتاخر في سدادهم وبمجرد السداد مفيش مشكله معاه”.
وتابع، “معروف يوسف وغيرهم انتهت معاهم مجرد ما سددت الجزء الموجود في العقد مش هيكون في مشاكل، والازمة المالية في الزمالك هتخلص خلال شهرين وسبب التاخير ان المجلس السابق صرف موارد الموسم الجديد.
وتابع، قدرنا نوفر موارد ماليه ولو كنا غيرنا خطتنا في الانتقالات ممكن ميكنشي عندنا ازمه وده سبب ضغط مالي علينا, وعقود لاعبي الزمالك أكبر عقود لفريق كرة قدم في مصر النادي المنافس بيعوض لعبيته باعلانات ولاعبي الزمالك معندهمش اعلانات.
وأفصح، مصطفى محمد وجهة نظري الشخصية أن اللجنة اضطرت لسلوك طريق اخر، انا كنت مع بيع مصطفى محمد ولكن كامل الاحترام لقرار اللجنة ولازم نتحمل قرار اعارته اللي كان أصعب علينا ماليا.
وواصل، تحديدا ساسي من اللعيبة السوبر ستار ورغبة الجماهير والمجلس مشتركة للتجديد تتبقى الاموال اللي تتوافق مع امكانيات الزمالك ولازم يضحي معانا شويه وميتغالش في طلباته علشان مش من المنطقي ادي لساسي مبلغ كبير وعندي لاعب في مركزه بياخد اقل منه بكتير.
وأتم، كارتيرون علاقته جيده بكل اللاعبين و شغال للموسم الجديد والمهم نخلص مستخقات اللعيبة وهتلاقي فريق تاني خالص.
