عفيفي يطلق قذائفة في مقدمة نارية.. أزاي تتجنب مصير الأختفاء عشان محدش ينام زعلان – فيديو
أطلق أحمد عفيفي مقدم برنامج ” فن وهندسة ” عدة قذائف في مقدمة الحلقة عن الأفعال التي يجب أن يفعلها أي مسؤول حتى يتجنب مصير الأختفاء عن حد قوله من الساحة، وتنام الجماهير سعيدة أو على الأقل غير حزينه.
وقال أحمد عفيفي: ايه اللي هيحصل بعد ما تبني خطة العمل وتشتغل عليها, هتتقدم ووضعك يتحسن ومع تقدم الوقت هتنجح أكثر وأكثر، اللي هيحصل؟.
وتابع، الناس هتضايق وهيحسوا أن وجودك غير مرغوب فيه وهيدوروا على أي غلطة ليك ويكبروها وأي شئ في العالم مباح وكل شئ مغفور إلا غلطتك دي.
وواصل، هتقولي لأ معلشي أنت تاخد بالك!، يا حبيبي أنت بشر يا غلطت يا بتغلط يا هتغلط وكلنا كده، الفكرة أنك مش هتتعامل بنفس المعايير اللي نفس الناس بتتعامل بيها، و غلطتك انت هتبقى جريمة لا تغتفر، وهتتحول إلى شخص بينجح فمزعل الناس وبعد ما الناس اجلا أم عاجلا يمسكولك غلطة فلازم تختفي.
وأكمل، متعرفشي يعني ايه هيختفي؟ طيب ارجع لوراء سنتين بس كان في شخصين بس مضايقين الناس، هما فين؟ اختفوا والعامل المشترك بينهم أنهم ضايقوا الناس ثم اختفوا لأن ده المصير المحتوم.
وأضاف أحمد عفيفي خلال مقدمته النارية في قناة الزمالك: عشان تتجنب المصير المحتوم وفكرة أنك تختفي!، محتاج تعمل حاجة من عدة حاجات.
أولا: أما أنك تفشل فتبقى بسيط جميل محدش زعلان منك خالص ومحدش بينتقدك خالص ، محدش بيهاجمك خالص، زي أخينا اللي بيطلع في الفضائيات يقول كلام هو مش فاهمة ولا حد فاهمة ومحدش عارف الراجل ده جيه أمتى وجيه ليه ومين إلى جابه وجابه ليه ؟.
ثانيا: أو أنك تبقى محترم بالتعبير الإعلامي مش بالتعبير بالحقيقي، لان بالتعبير الاعلامي المحترم هو اللي ملوش رائ في أي حاجة وملوش مواقف في أي حاجة ومبيدافعشي عن اي حقوق وملوش أي دور.
وتابع، في الحالات دي بس تستمر، أما لو بتنجح فنجاح هيتطلب منك أنك تدافع عن حقوقك فلما تدافع عنها هتتهم بأبشع التهم وهتصبح شخص غير مرغوب فيه وتزعل الناس،هتختفي.
وأتم، أرجع لسنتين لوراء وشوف سياق الأحداث أنتهى أزاي، لان في الاخر لازم الناس متزعلشي على الأقل متزعلشي مش تنام مبسوطة بس، ولو زعلت ميبقاش بسببك، لانه لو بسببك هتختفي.
شاهد :
