حسام المندوه يزف بشرى سارة للاعبي الزمالك .. ويطمئن الجمهور على تنمية موارد النادي – فيديو
كشف النائب حسام المندوه عضو اللجنة المعينة لإدارة نادي الزمالك، عن كواليس عدد من الملفات المتعلقة بمجريات الأمور داخل جدران الفارس الأبيض خلال الفترة الحالية.
وقال ” المندوه” :” المستحقات المالية المتأخرة للاعبين تم استلام جزء منها للاعبين وان شاء الله خلال الايام الجاية هيتم دفع جزء جديد، واللى ساعدنا على كده ان فيه سبق معرفة عن مشكلة مستحقات اللاعبين”
وأكد ” المندوه” : “المهم يكون عندنا أفكار تحقيق مورد مالي مستدام، وقدرنا نوفر مبلغ محترم مش مليون ولا اتنين، لا رقم محترم جدًا، ومفيش حد في النادي مش هياخد جزء من مستحقاته خلال اليومين دول، وفيه ناس هتستلم مستحقاتهم”
وأشار :” ملف الاشتراكات الخاص بالأعضاء بنفكر حاليا فى إجراء تسهيلات على الأعضاء في عملية الدفع، زى التعاون مع أحد البنوك الخاصة للدفع من خلالة”.
وأضاف ” المندوه” خلال استضافته في برنامج ” جمهور التالتة” على قناة ” أون تايم سبورت” : “فى الوقت القريب اللى جاى هنبدا ناخد خطوات فى فرع النادي في أكتوبر وهو محطوط على طاولة اجتماعات المجلس ”
وتابع :” فيه أفكار تسويقية بيتم عرضها فى الاجتماعات، وتقوم على فكرة استغلال شعبية الزمالك الجارفة جوة وبرة مصر وازاى نقدر نحول الشغف والحب الخاص بالجمهور بأفكار واقعية تفيد النادي”
وواصل :” كل مجلس بيجى بيكون ليه أولويات فى التفكير، ومقدرش اقول ليه محدش قدر يستغل شعبية الزمالك، وإحنا عندنا أفكار تمس جمهور الزمالك وتخليه يكون شريك وداعم للنادي”.
وكشف “المندوه” :” في اجتماعنا مع كارتيرن واللى كان حاضرة حسين لبيب ومحمد الأتربي وحسين السيد، كان الرسالة الاولى لينا هى الطمأنة على جزء المستحقات المالية علشان يكون فيه استقرار، وتم مناقشة عدد من الملفات المتعلقة بالفريق ومنها تجديد فرجاني ساسي”.
شاهد:
