حسين لبيب يوضح سبب مقاطعة الزمالك لـ أون تايم سبورتس ومصيرها بعد اعتذار المذيع المتسبب في ذلك – فيديو

كشف حسين لبيب رئيس اللجنة المعينة لإدارة نادي الزمالك أسباب قرار اللجنة بمقاطعة مجموعة قنوات أون تايم سبورتس، وذلك بعد نشر كريم رمزي مذيع القناة أخبار مغلوطة عن كواليس تجديد عقد أحمد زيزو والطلبات المادية لأشرف بن شرقي لتجديد عقده مع الزمالك

وكانت اللجنة المعنية لإدارة نادي الزمالك  أعلنت في بيان ناري عن مقاطعة مجموعة قنوات ” أون تايم سبورت” بعد حديث كريم رمزى مذيع القناة عن طلبات أشرف بن شرقي لتجديد عقده مع الزمالك.

وقال ” لبيب” :” احنا مش بتوع مهاترات أو تصعيد للأمور، لكن من واقع المسؤولية الى عينت لها فأنا بخاف على استقرار نادي الزمالك”.

واشار :” متخيل خلال شهر اننا قدرنا نوفر استقرار وهدوء لنادي الزمالك وقولت اننا فاتحين أيدينا لكل الناس حولينا وعايزين ان كل علاقتنا تكون كويسة بكل الناس”.

وأضاف ” لبيب” في تصريحات لبرنامج ” ملعب أون” على قناة ” أون تايم سبورت” : “مينفعش أخبار تقال عن الزمالك وتكون كذب وافتراء عن النادي، ومش مشكلتى ان الاستاذ كريم رمزى إن قال إن المصدر بتاعة موثوق فيه، ولايمكن مصدر موثوق فيه يقول إن زيزو طلب عشرين مليون جنيه نقدا”.

وأكد ” لبيب” :” محصلش إن زيزو ووالده طلبوا فلوس كاش أو قالوا انهم لازم ياخدوا الفلوس كاش، وكان المفروض عليه يقول إن الارقام دى غلط وإن المصدر الموثوق ده مش هاخد منه أي معلومات”.

وواصل ” لبيب” :” لازم كريم يعرف ان المصدر ده كاذب وخادع ولازم يكون عنده من القدرة والشجاعة انه يقول اسم المصدر وانا عايز حد يطلع يقولى انت كلامك غلط وانت دفعت 20 مليون جنيه علشان تجديد زيزو، وكريم طلعنا كأننا تجار وكالة بلح واتكلم عن قصة سخيفة إن كان فيه كراتين فلوس لتجديد زيزو”.

وواصل ” لبيب” :” انا معجبنيش ان الاستاذ كريم بيشيد بالإدارة انا عايزه يشيد بنادي الزمالك مش بالأشخاص، وانا محبش حد يشيد بأشخاص انا بحب الناس اللى تشيد بالقيم والمثل اللى زرعها فينا نادي الزمالك”.

وأكد ” لبيب” :” على المستوى الفردي معنديش مشكلة وانا هرجع لمجلس الإدارة لأننا تعودنا أن القرار بتاعنا يكون جماعي، وأنا على المستوى الشخصى مسامح، ولو مجلس الإدارة معندوش أزمة هطلع هقول اننا قبلنا اعتذار الاستاذ كريم وصافية لبن”.

وأتم ” لبيب” :” انا احترمت كريم انه اعتذر لجمهور الزمالك وده اللى خلانى اكسر قرار المقاطعة، علشان جماهير الزمالك تعرف ان الناس اللى معاها تدافع عنها وتجيب حقوقها”.

شاهد: