خناقة أهلاوية.. عمر ربيع ياسين يفتح النار على مسؤول في المركز الإعلامي وقناة الأهلي – صورة
فضح عمر ربيع ياسين مقدم برنامج البريمو عبر قناة النهار احد المسئولين بقناة الاهلي والمركز الاعلامي للنادي ، حيث اثار الجدل بتفاصيل مثيرة
وكتب عبر حسابه الشخصى فيس بوك : فيه شخص في المركز الاعلامي و في قناة الاهلي بلغ من الكبر عتيا ، سوابق و رد سجون و لما كان في محنه استغاث و ساق طوب الارض و وقفنا جنبه علي امل انه لما ربنا يفكً سجنه يتعدل زي ما هو قال بعد ما بكي بالدموع في سجنه بس طبعا مفيش الكلام ده ،
واشار : عمال ينظر علي الناس و دايما مش عاجبه و بيتكلم عن الانتماء و الولاء و فيه مواقف كتير اوي مكنش بيقدر يفتح بوقه و بيتلون زي الحربايه علي حسب المصلحه
واستطرد : و اللي انا عارفه انه شغال في القناه و في المركز الاعلامي و بياخد فلوس من الاتنين ازاي مش عارف مع انه تضارب اصلا ، عايش في دور السيف و الدرع علي طول
وواصل : و انا بشفق عليه عشان هو بيقبض من الاتنين ف بيحلل القرشين اللي بياخدهم عشان كده كده هو مش بيعمل حاجه لا هنا و لا هنا
واتم : علي العموم العيب مش عليه العيب علي اللي بيختاروا الناس دي تبقي موجوده و فيه كفاءات كتير بس العلاقات تحكم بقي بالمناسبه هو خريج تجاره و مالوش علاقه بالصحافه لا من قريب و لا من بعيد
