شاهد عودة مرتضى منصور بعد الحكم التاريخي بإلغاء قرار اللجنة الأولمبية ويتوعد هشام حطب بحديث تاريخي – فيديو
ظهر المستشار مرتضى منصور رئيس نادي الزمالك السابق، في فيديو نشره عبر صفحته الرسمية، علق من خلاله على حكم محكمة القضاء الإدارى بإلغاء قرار اللجنة الأولمبية بوقفه خلال الفترة الماضية.
وقضت محكمة القضاء الإداري، برئاسة المستشار فتحي توفيق، نائب رئيس مجلس الدولة، صباح الأحد بإلغاء قرار اللجنة الأولمبية تجميد مرتضى منصور 4 سنوات وإبعاده عن رئاسة نادي الزمالك.
وقال ” مرتضى” :” هشام حطب رئيس اللجنة الأولمبية أشعل الحطب في نفسه، وهاتتفرجوا على كل حاجة عملها، سواء هروبه من التجنيد أو تعليقة على أحكام القضاء”
ووجه ” مرتضى” رسالته إلى جمهور الزمالك قائلا :” استحملونى هنتأخر شوية، وانا بجهز رد على كل الأكاذيب اللى طلعت، وازاى تم تلفيق الأكاذيب للوزير علشان يحل المجلس”.
وأضاف ” مرتضى” في فيديو نشرة عبرة صفحتة الرسمية على مواقع التواصل الاجتماعي :” بقول للاستاذ اللى منعنى من الظهور من فضلك لغاية دلوقتى فيه مسافة من الاحترام بينا”.
وتابع :” لو مبعتش عنى هقول اسمك بالكامل، ومش معقول اكون ممنوع من الظهور على قناة النادى اللى انا رئيس مجلس إدارتها لغاية دلوقتي”.
وواصل ” مرتضى” :” فريق الكورة كله اللى انا شاريه وانا اللى متعاقد مع فريق الطائرة اللى هياخد الدوري، وانا اللى جيب المدرب بتاع فريق السلة، وبعتذر للجمهور لو اتاخرت شوية”
ووجه مرتضى حديثة إلى هشام حطب رئيس اللجنة الأولمبية المصرية قائلا :” فيه فرق ياهشام بين ان فيه معركة قانونية بينا فى المحكمة وانا كسبتها، وفيه عركة بينا لو دخلت قصادك فيها هفرمك وابعد عني وعن نادي الزمالك”.
وأكمل :” بحذره وبقوله يا هشام انا رايح اللجنة الأولمبية الدولية عشانك، لانك خالفت ميثاق اللجنة الأولمبية الدولية زى ما قال حكم المحكمة”.
وأتم ” مرتضى” :” أنا لو مسنود مكنتش سقطت فى انتخابات مجلس النواب، أو تم استبعادي من الزمالك، وأنا عمرى ما كنت مسنود بالعكس أنا طول عمرى ساند وداعم لكل مؤسسات الدولة”.
شاهد:
