هاجم الإعلامي مجدي عبد الغني، إدارة النادي الأهلي، بعد الاتفاق على تجديد عقد على معلول لاعب الفريق برقم خيالي خلال الفترة المقبلة، مشيرًا إلي أن اللاعب قد تقدم في السن ومن المقرر أن يكون عقده أقل من ذلك.
وقال ” عبد الغني” :” الأهلي اتفق مع علي معول عشان تجديد عقده بـ 2 مليون ونصف خلال موسمين يعني الموسم بمليون 250 ألف دولار صافي من الضرائب”.
وأشار :” أحنا في وقت اللي كل أندية بتخفض عقود لعيبها الكبيرة في السن وده حصل معايا لما كنت راجع من كأس العالم ورغم كل اللي عملته اتقالي انت عملت تاريخ لنفسك ده ليك لكن قيمتك بناء على سنك تساوي كده”.
وأضاف ” عبد الغني” خلال تقديمه حلقة جديدة من برنامج ” ملعب البلدوزر” :” علي معلول في الأهلي من تاني سنه خد ضعف الراتب اللي كان بياخده مستناش لنهايه عقدة عشان يرفعوا راتبه”.
وتابع :” بالتالي وصلنا لمرحلة انه بعد ما كان بياخد قرش بقى بياخد 10 قروش حاليا فلما تدي الرقم ده لعلي معلول هتدي كام لباقي الفريق !”.
وكان الإعلامي مجدي عبد الغني أكد إن مسئولو النادي الأهلي نجحوا في حسم مصير التونسي على معلول وتم الإتفاق معه بشكل شبه نهائي على التجديد موسمين ليستمر بذلك اللاعب التونسي مع القلعة الحمراء ثلاثة مواسم مقبلة.
أوضح عبد الغني خلال تقديم برنامجه “ملعب البلدوزر” عبر شاشة “الشمس” إن عقد معلول مع الأهلي ينتهي بنهاية الموسم المقبل وشهدت الفترة الماضية مفاوضات بين اللاعب والأهلي أسفرت عن الإتفاق التام على تجديد عقد اللاعب لمدة موسمين ليستمر الدولي التونسي مع الأهلي ثلاثة مواسم مقبلة.
وأضاف مجدي عبد الغني إنه من المقرر أن يحصل على معلول على مليون و250 ألف دولار في الموسم الواحد ليستمر كأعلى عقد في النادي الأهلي .
شاهد:
