ميدو يحرج مهيب عبد الهادي بشأن لعب نجله للأهلي.. وموقفه من تدريب الأحمر – فيديو
علق أحمد حسام ميدو نجم نادي الزمالك السابق، على طلب نادي الزمالك بانتقال نجله من نادى وادى دجلة إلى نادي الزمالك خلال الفترة المقبلة، مؤكدًا أنه لن يسمح بأن يلعب أحد أولاده للنادي الأهلي في يوم من الأيام.
وأرسل نادي الزمالك خطابا إلى نظيرة وادي دجلة، الثلاثاء، يطلب فيه ضم علي أحمد حسام ميدو نجم الفريق الأول مواليد 2003، لصفوف قطاع الناشئين بالقلعة البيضاء.
وطالب الزمالك في خطابه ضم اللاعب نجل “العالمي” أحمد حسام ميدو لصفوف الفريق دون دفع أي مبالغ مالية، بعد أن قدم اللاعب أداءا لافتا للنظر مع فريقه.
وقال” ميدو” :” كنت سايبة يشق طريقة بنفسة، وهو لاعب كويس جدًا، ويقدر يكون أحسن منى، وعندة إمكانيات مميزة، وعند عقلية أحسن مني، مهتم جدًا بالكورة وكل حياته في الكورة، وعنده إحترافية كبيرة جدًا”.
وأشار :” على عنده ميزة مهمة إنه يقدر يتعلم من أخطائه، وهو معاه المفتاح سواء ينجح بالاجتهاد أو الإخلاص، وياما شفنا أولاد صغيرة مميزة وفشلت و أولاد قليلة ونجحت، والإحترافية والإخلاص أساس النجاح واتمنى يكون عنده إخلاص”
وأضاف “ميدو” في تصريحات لبرنامج ” اللعيب” على ” إم بي سي مصر” تقديم الإعلامي ” مهيب عبد الهادي” : “هو بيلعب رأس حربة وسريع وبيجيب أهداف كتير، وهو محترف بشكل كبير، وده بحاول أذرعة جواه كل يوم”.
وتابع :” اتمنى انه يلعب في أفضل مستوى، وبحلب انه يكون لاعب في نادي الزمالك، ويحقق اللى انا مقدرتش أحققه، وسعيد جدًا إن نادي الزمالك مهتم بيه، وبعيد عنى”
وأكد ” ميدو” :” سعيد جدًا إن الاتفاق اللى حصل بين دجلة والزمالك بعيد عنى، وكنت حريص دائما ان لو الزمالك عايز حد من أولادى فلازم النادي هو اللى يطلبه، واتعلمت ده من كابتن حمادة إمام، لأنه خلى حازم في بدايته ميلعبش في الزمالك وبعدها الزمالك طلبه”.
وبسؤالة : ” لو كان الأهلي طلبه كنت هتعمل ايه؟..أجاب ” ميدو” :” أنا راجل زملكاوي كبير لكن بحترم الأهلي والاحتراف اللى فيه، لكن صعب ان حد من العيلة، يلعب في الأهلي، ولا يمكن أبدًا ان حد من أولادى يلبس تيشرت من الأهلي”.
وشدد ” ميدو” :” انا ابن نادي الزمالك، وأنا رفضت قبل كده عرض من النادي الأهلي، لانى متربي جوه نادي الزمالك، وأنا بحترم الأهلي وبشوفه نادي ناجح وبشوف فيه ناس أصحاب عقلية ناجحة، وأنا أولادي كلهم زملكاوية”.
وعن موقف ” ميدو” في حال طلب الأهلي تولى الإدارة الفنية أجاب ” ميدو” : التدريب مختلف لأنه غير اللعب، لأنه ممكن تتحط في ظروف ان ده الخيار الوحيد، والأهلي معرضتش عليا قبل كده تدريبية، وانا بقول إن كل نادي ولادة أولى بيه”.
شاهد:
