ميدو يكشف لأول مرة أسباب عدم توليه منصب إداري في الزمالك.. ورد صادم على عدم امتلاكه عضوية في النادي – فيديو
كشف أحمد حسام ميدو نجم نادي الزمالك أسباب عدم توليه منصب الإشراف على ملف الكرة في نادي الزمالك، مع وجود اللجنة الحالية.
وقال ” ميدو” :” أنا تحت أمر الزمالك فى أي وقت، لكن موضوع العمل في نادي الزمالك محتاج حد متفرغ بشكل تام، وانا شغال في الإعلام وعندي عقود، وانا قولت لحسين لبيب، انا تحت أمرك في أي حاجة من غير منصب”.
وأكد ” ميدو” في تصريحات لبرنامج ” اللعيب” على قناة ” إم بي سي مصر”:” ميدو عمره ما سعى انه يمسك منصب في نادي الزمالك وأنا تحت أمر النادي في أي وقت”.
وتابع :” لكن مينفعش يكون عندى برنامج خاص، واكون في نفس الوقت مشرف على الكرة في نادي الزمالك، وأنا البرنامج الخاص بيا رجع تاني من يوم السبت في شكل جديد وموسم جديد”.
وشدد ” ميدو” :” مينفعش المشرف العام على الكرة في الزمالك أو عضو مجلس الإدارة أو رئيس النادي ويكون عنده برنامج خاص هيكون فيه تضارب في المصالح ”
وكشف “ميدو” : ده السبب الرئيسي لما رفضت اتولى منصب الإدارة الفنية الكاملة للكرة في بيراميدز وطلبت انى اكون مستشار فني فقط”.
وأتم ” ميدو” :” معنديش عضوية لنادي الزمالك دلوقتي، و قريب هيكون عندي عضوية في النادي، ويشرفني أكيد عضو في الجمعية العمومية لنادي الزمالك”.
شاهد:
