اكد خالد الغندور مقدم برنامج زملكاوي عبر قناة الزمالك ان مجلس محمود الخطيب فشل في منافسة الزمالك داخل الملعب في كرة السلة ولجأ لطريق اخر
وشدد علي ان محمود الخطيب بعدما فشل في منافسة الزمالك في الملعب ، فلجأ لتحقيق الانتصار خارج الملعب بالاموال من خلال الانتصار بصفقة او مدرب
واضاف ان اوجستي اذا حقق مع الاهلي كأس مصر سيكون انتصار كبير بسبب ضعف الفريق هناك والخروج بموسم صفري
واستطرد : الاهلي تعاقد مع اوجستي وكان متفقين من شهور وخالد مرتجي قال امبارح احنا مفاوضناش معاه وهو في الزمالك ، ولم يتم الاعلان وكان معروف ومتسرب الخبر وكان رافض التجديد للزمالك ووالتر هودج نفس القصة وكانوا مخلصين كل حاجه الذكاء اعلن امتى اعلن امبارح هو الرجل بعد ماروح بلده كلمنا وقولناله ازيك يا اوجستي ممكن تيجي لو رايح الزمالك هنسيبك يا اوجستي ياحبيبي
واشار : ولانجيب كهربا الهربان خالص وواخدين عهد علي نفسنا مش نتعاقد مع لعيبه من الزمالك ، الناس مفكرينك مش ذكي عمرنا ما هنتعاقد مع لاعب الا بعد نهاية عقده
واضاف : حصلت مره مع كهربا وقالوله روح البرتغال وتعالى والاهلي هو اللي هيدفع له الغرامة، اينو طلع حلف على المصحف انه موقعش للاهلي واخر الموسم راح وطارق السعيد ومحمد صديق
واستكمل : والزمالك وقع مع عبدالله السعيد وكانوا قالوا له شوف مصلحتك ، مش نستصغر عقول الناس ، مفيش مشكله ان لاعب اومدرب يوقع حتى لما عبدالله السعيد عقده انهى طلع علينا بعض الصحفيين عقده انتهى اه بس لازم يبلغ الاهلي لومبلغش خلاص
وطالما في فترة السماح خلاص
واستطرد : محمد محسن لاعب طايرة الزمالك اللى راح الاهلي ومضاه من بدري كان بلغ الزمالك؟؟ انتم بتكيلوا ب100 مكيال ، منصدرش للناس ان الخطيب اصدر فرمان بعدم التعاقد مع اي لاعب من الزمالك وتجملوا الصوره
واضاف : وهذا شئ محمود من مجلس ادارة الاهلي وفي ظل العلاقة المحترمه ودعم للزمالك، ده كلام تم تصديره لنا لتحسين الصوره هو الزمالك قالك متتعاقدش اتعاقدوا ومتعملش قصة وحكايه
وشدد : زي ما بتتاخد لاعب اومدرب اصل المعامله بالمثل والاسلوب مش كويس وبنزيد الفتن والتعصب وده خطر ، يوم ما تجرأ بيراميدز واخد رمضان مصر كلها قامت وبيدفع تمن انه يروح بيراميدز وايه ياعم الطموح ، رمضان اخطئ خطأ عمره من وجهة نظري كان زمان اخد بطولات ممكن يكون ندمان وده ااختياره وقراره ومستقبله
