الغندور يفتح النار ويفضح جلسة احمد مجاهد مع الخطيب وعبدالحفيظ

شن خالد الغندور مقدم برنامج زملكاوي عبر قناة الزمالك هجوما علي احمد مجاهد رئيس اتحاد الكرة المصري بسبب تعمده تعطيل الزمالك وتسهيل وصول الاهلي للدوري

حيث اكد انه كان هناك جلسة بين مجاهد ومحمود الخطيب رئيس الاهلي وسيد عبدالحفيظ مدير الكرة للاتفاق

حيث قال الغندور : احمد مجاهد بيقول تصريحات غريبة وكانه اهلاوي وهو بالفعل مشجع اهلاوي

وواصل : هو لايصلح ان يكون الرجل الاول فى اتحاد الكرة لانه بيحب يكون الرجل الاول والناس تكلم عنه ويقلل العقوبات ويغير الجدول

ميدو يطلق قذائفه ضد فساد احمد مجاهد بعد ازمة الزمالك واسوان

وتابع : انا قولتلكم ان مفيش دوري وقت الاوليمبياد علشان هو رايح رئيس بعثة، فيها ايه الزمالك يلعب وبدون امام عاشور وفتوح والونش وومياجلش مفيش مشكله لا انا رايح مع المنتخب ورايح مع الاهلي المغرب وبعدها طوكيو مع لعيبة الاهلي

واشار : اللي اتقال ان مفيش ماتش المحلة علشان فى احتفال كبير للدولة بستاد القاهرة ماتش المحلة كان المفروض الاثنين الي فات ومفيش اي احتفال للدولة

وواصل : الاهلي هيلعب ماتشاته دي بالاتفاق مع احمد مجاهد وراح قعد مع كابتن بيبو وسيد عبدالحفيظ واتفقوا وعلي فكرة مش هتلعبوا في اسوان هتلعبوا هنا علشان الحر والكهربا، وهل الاهلي هيدفع معسكر اسوان وتمن الملعب ؟

واستكمل : الزمالك ياحلاوته ياجماله الفترة الجايه القاهرة وبعدها يلعب اسكندريه وبعدها السويس وبعدها الاسماعيليه ومتأكد ان لعيبة الاهلي وحشتها الاسماعيلية ونفسها تشوفها والدنيا بتتغير واكيد الاسماعيليه اتغيرت

وشدد : مبدا تكافو الفرص انا اروح الاسماعيليه والاهلي لا كتر خيره الاهلي الي بينافسني وافق علي انه يلعب وميسافرش واحمد مجاهد قالك هيتلعب ماتش اسوان ومحدش عارف هيتلعب فين اسوان رفضت تلعب ماتش الكاس والزمالك رفض ببيان رسمي فيتسال مع كابتن سيف زاهر ويقول انا شايف ان الاهلي اضغط فلازم نضغط الزمالك

واتم : كمان بسم الله ماشاء الله يا استاذ احمد مجاهد
طب لما الزمالك لعب7 ماتشات ف 20 واضغط والاهلي قعد 50 يوم ملعبش غير 4 ماتشات ، وتم وضع ماتش اسوان علشان الزمالك والاهلي يلعبوا كل 3 ايام ، دي عشوائية وعشوائية انفراد بالقرار