فضح خالد الغندور مقدم برنامج زملكاوي عبر قناة الزمالك نفاق اسلام الشاطر مقدم برنامج بقناة الاهلي بسبب حديثه عن مجاملات اتحاد الكرة للزمالك
حيث اكد انه يصور الزمالك انه نادي سئ ويستفاد من التحكيم ودائما يقلل من الابيض ، بالرغم من انه ارتدي قميصه
واشار الي انه مصدوم من هذا الاعلامي ، لان الابيض لو كان بهذا السوء ، فلماذا ارتدي قميصه ؟ بل لعب للأبيض واحرز هدف كان من صناعتي !!
وشدد علي انه حزين بسبب هذا الاعلامي الذي يروج للتصعصب ودائم التقليل من الزمالك
و قال : احداث كتيرة حصلت الفترة اللي فاتت ، كل الزملكاويه منتظرين خالد الغندور هيقول ايه على كم التطاول والاساءة لنادي بحجم الزمالك ومحاولة جرنا لتراشق وخلاف شخصي تفهمنا هذا الوضع وفهمنا اللعبة اللي بتتلعب كل سنة
وواصل : كلنا كلاعبي كره اصحاب وعشنا اوقات جيده في المنتخبات وبعتز بصداقات ولعيبة كبار من الاهلي زي وليد صلاح عبداللطيف وهشام حنفي وياسر ريان
واضاف : عمر ما كرة القدم ماهتوصلنا للمرحله المتدنيه دي وعمر العاملين بقناة الزمالك تنساق ورا التراشق وتخلينا نقبل الاهانات ، والقيم والمبادئ بقت كلمه سهل تتقال والقيم المبادئ افعال علي ارض الواقع
وشدد :من حق اي شخص يدافع عن ناديه ومصالحه دون التطاول على النادي الاخر لان ده مش من شيم الكبار
واضاف : انا ادافع عن الزمالك بالحق والادله مش هنساق ورا كلام السوشيال ميدديا ولاهقلل من اي نادي اخر وهدافع عن. الزمالك وحقوقه
وتابع : الزمالك علاقته بكل الانديه محترمه وبالذات بالاندية الشعبية ، ودايما في ترحاب بالزمالك ف اي محافظة ومفيش امن منعنا مرة من التواجد ف اي مكان
واستطرد : انا شوفت كابتن حسين لبيب بيهنئ ، حصل نوع من الجدل من جمهور الزمالك علي السوشيال ميديا وكانوا رافضين ولو كابتن حسين لبيب بيحث عن شعبيه زائفه اويثير التعصب والفتن كان ممكن لايعبر ولايفرق معه ولايبعت تهنئة
واستكمل : ومش هقول قوبلت ازاي لان الكل شاف
وكيف كانت فرحة جماهيرهم بالشوراع وتجاوزهم في حق نجوم حاليين وسابقين من الزمالك ، وانت نازل تفرح مش قادر تنسى شيكابالا هو شيكابالا فى دماغك اوي كده ، ولاقادر تطلع الزمالك من تفكيركم وانتم كنتم بتلعبوا مع فريق من جنوب افريقيا
