بعدما أشعل سيد عبدالحفيظ النيران.. الكاتب أيمن بهجت قمر يعتذر لجماهير الزمالك – صورة

تقدم الكاتب ايمن بهجت قمر باعتذار لجمهور الزمالك بعدما استفزهم اثناء تعقيبه علي انتقاد خالد الغندور لتصريحات سيد عبدالحفيظ

وسخر بهجت قمر من حديث الغندور عن عبدالحفيظ ، مرفقا تعليق عبر صفحة خالد الغندور وكان مضمونه السخرية من الابيض

حيث كتب ان الاهلي يغير من الزمالك بسبب نجاحاته الكبيرة، في الدوري وفي افريقيا

ليستبب ذلك في غليان من جمهور الزمالك

وقدم بهجت اعتذار لجمهور الزمالك بعد الهجوم عليه وكان مضمونه :

تقديري لنادي الزمالك بلا حدود وابويا كان زملكاوي .. اما اني اهزر مع صديقي خالد الغندور بدون اي اساءه ويتم تحريف كلامي واكتب في نفس البوست برضه ان الزملكاويه المحترمين على راسي والاقي ناس زعلانه ده بالنسبالي شئ غريب !

احنا كلنا اتربينا اننا نناكف في بعض في الكوره بدون اساءه لكن اللي حاصل ده شئ مريض انما بكرر تاني عشان لو حد محترم زعل :

كامل احترامي لنادي الزمالك والزملكاويه المحترمين ( فقط ) ولو زعلتوا حقكوا عليا ولو اني شايف اني مافيش حاجه اعتذر عليها لكن مضطر اعتذر مادام فيه حد محترم كلامي زعله يبقى زعله على راسي