شن حازم امام ظهير ايمن الفريق الاول لكرة القدم بنادي الزمالك هجوما علي تصريح محمد عبدالجليل مدرب المقاصة حول مطالبته لاعبيه بعدم الاحتكاك بلاعبي الاحمر والتعامل معهم برفق بسبب ارتباطهم بنهائى افريقيا
حيث قال : مفيش حاجه اسمها العب بالراحة مع فريق علشان عنده بطولة تانيه ولو ده راح للفيفا فيها عقوبات
عبدالله جمعة يعلنها على الهواء: نجم دجلة يعشق الزمالك .. ويتمني الإنضمام للفريق
واستكمل : متجيش تلاعبني بكل قوة وتروح تلعب مع غيري باسلوب تاني علشان خايف عليه اعتقد ان التوفيق خان كابتن عبدالجليل ف التصريح ده
وواصل : احنا مظلومين ونتعرض لضغط مباريات كبير واحنا فارقين عن المنافس ومفيش تكافؤ وحاطين ماتش اسوان في وقت يزنقك بيه
وواصل : ايام جروس كنا بنلعب ب14 لاعب هم دول الي قافل عليهم وبيلعب بهم كل المياريات وخسرنا الدوري وكنا متقدمين
واشار : مباراة الاهلي اللي اعتبرنا منسحبين فيها كان فى مشاكل في ماتش السوبر وحصل مشاكل طب ماتاجله ، مش نظرية المؤامرة ده واقع مفيش تكافؤ ودايما العقوبات بتكون اعلى منهم
واستكمل : اخدت 8 ماتشات بسبب شد كارت من الحكم ، وحد من عندهم شد التيشرت اخد 4 انا معملتش حاجه صح وكنت غلطان بس العقوبة مختلفه وكان في اخطاء كتير من الحكم وحسيت بالضغط
واستطرد : اتكلمت مع امام عاشور بعد عقوبتة هو مكانش ببشتم هو كان بيحتفل مع زمايله واللعيبة قالت لفظ وهو بيرقص ومقالش واتعاقب 12 ماتش ومحدش بيتعاقب كده ممكن تعاقبه ماليا اوتحرمه من المنتخب ما دي من ضمن المؤامرات بسبب انه كان بيرقص بس
وواصل : شيكا كان بيتشتم وكنا سامعينها ويوم ماتش الامارات بيتشتم شتيمة مش طبيعيه بالاعراض ومحدش يستحملها وانا طول الماتش بتشتم لكن اللي بيتشمه شيكا محدش يستحمل والحمدلله هو مبيتاثرش في الملعب
واتم : في السوبر بالامارات من قبل الماتش بنتشم وكنت مستغرب جمهور الزمالك كانوا بيحترموا لعيبة الاهلي وهم بيذيعوا اسمائهم واحنا لما اتقال اسمائنا بعدهم بقينا نتشتم من جمهور الاهلي والحمدلله فوزنا
