اكد فاروق جعفر المستشار الفني لمجلس الزمالك عبر مداخلة قناة الزمالك ان الانباء الاخيرة حول الاستغناء عدد من لاعبي الفريق غير صحيح بالمرة
حيث قال فاروق جعفر : في كلام بنسمعه من يومين ان لعيبة هتمشي مفيش الكلام ده ومحدش اتكلم احنا بنحافظ على اللعيبة ومعنوياته مينفعش نقول هنمشي لعيبة الكلام ده مفيش فيه شئ من الحقيقة
وواصل : متكلمناش في الموضوع ده مركزين ان اللعيبة تستمر ونجدد لباقي اللاعبين وهنشوف طلبات المدرب ايه علشان ننفذها وشغالين كلنا كل يوم شغل محترم وناس فاهمه ومركزه استمرار الكيان ده بشكل كويس
واستطرد : مبنفكرش في لعيبة هتخرج من الزمالك احنا مش بنرمي ولادنا عندنا لعيبة كويسه وكلهم مكملين معنا
وشدد : احنا مركزين وتفكيرنا ان احنا الاجازة بتاعت اللعيبة بعدها هيرجعوا ويدخلوا معسكر وبنتعامل بالورقه وبالقلم وبتحس انك بتشتغل صح وتدعيم الفريق والمباريات الودية اللي هيخوضها الفريق وتجهيز كارتيرون اللعيبة الفترة الجاية
واشار : كل امنيات جماهير الزمالك ان شاء الله تحقق الفترة الجاية
وواصل : فترات الراحة لو طويله تخوض مباريات ودية علشان تطبق طرق وتجهز لعيبة والرجل عايش معنا الجو ده البديال ده لومفيش مباريات وازاي نعمل مباريات بشكل ودي لكن تاخد الصيغة الرسمية لتجهيز اللعيبة
واتم : وبنجهز نفسنا لاخر7 مباريات دوري ومباراتين الكأس
