مرتضى منصور يهاجم أشرف صبحي.. ويتوعده بكشف الحقائق كاملة في هذا الموعد – فيديو
فتح المستشار مرتضى منصور رئيس نادي الزمالك السابق، النار على الدكتور أشرف صبحي وزير الشباب والرياضة، مؤكدًا أن الأخير أعترف بخطأه بخصوص قرار إيقاف مجل مرتضى منصور داخل نادي الزمالك.
وتوعد ” منصور” وزير الشباب والرياضة بنشر فيديو يوم الثلاثاء القادم يوضح من خلاله كواليس الاجتماعات التى جمعته مؤخرًا ببعض المسؤولين في الدولة من أجل حل المشاكل الإدارية المتعلقة بنادي الزمالك.
وقال ” مرتضى” :” الدولة عايزة تحل مشكلة الزمالك مش مشكلة مرتضى منصور، بعد اللي عمله أشرف صبحى”.
وكشف ” منصور” الدولة أجتمعت معايا 3 أو 4 مرات، وكل مرة اشرف صبحي يبوظ الدنيا لأنه عليه ضغوط من شلة ممدوح عباس، انا هكشف كل حاجة يوم الثلاثاء”.
وأضاف ” مرتضى” خلال الفيديو الذي نشره عبر صفحته على موقع التواصل الاجتماعي ” فيس بوك” :” الدولة قالتها صريحة حل مشكلة الزمالك مش مشكلة مرتضى”.
وتابع :” الراجل حسين لبيب طلع قال اشكروا المستشار مرتضى منصور هو اللي جاب لعيبة الطائرة والسلة واللاعب الأجنبي وهو اللي عمل متشكرونيش أنا”.
وأكد ” مرتضى” :” زعلان على رحيل فرجاني ساسي ومصطفى محمد، وهكشف كل حاجة عملها أشرف صبحي في فيديو يوم التلات القادم”.
وأكمل “نادي الزمالك وحشني والأعضاء وحشوني وكل الناس، أنا يوم الخميس هكون في مكتبي في نادي الزمالك الساعة 6، ويوم الجمعة كمان ووحشني كل الأعضاء”.
وأتم ” مرتضى” :” يوم الثلاثاء الجاي هتسمعوا فضائح وتسجيلات مين المسؤول عن اللي حصل في الزمالك ولمياء بتاعة البنك المركزي طلبت مني ايه، انا معنديش حاجة أخاف منها ولا على رأسي بطحة”.
شاهد:
