مصطفى شوبير يفاجئ أحمد نادر السيد بهذه الرسالة بعد خسارة منتخب الشباب أمام السعودية – صورة

دافع مصطفى شوبير حارس مرمى النادي الأهلي، عن أحمد نادر السيد حارس منتخب الشباب وذلك بعد الهجوم عليه بعد خسارة منتخب الشباب اليوم السبت أمام السعودية.

وخسر منتخب مصر للشباب أمام نظيره السعودي بنتيجة 3 / 2 في المباراة التي جمعت بين المنتخبين على ستاد القاهرة الدولي فى الدور نصف النهائي لبطولة كأس العرب للشباب.

وقال ” مصطفى” :” وكأن فيه قانون خفي ينص على أن ابن أي لاعب سابق ممنوع يغلط أو ممنوع ياخد خبرات، أعتقد أنا أكتر واحد ممكن يكون حاسس باللي بيحصل دلوقتي فيه”.

وأضاف ” شوبير” عبر صفحته الرسمية على موقع التواصل الإجتماعي ” فيس بوك” :” أحمد نادر السيد جول كبير ومن الطبيعي أن الناس بتتعلم من غلطاتها لغاية ما تموت، مش عايزين واحد عمره 17 أو 18 سنة يغلط يبقي المشكلة عندك أنت مش عند اللي غلط، دي فطرة البشر وطبيعة الناس من أول ما ربنا خلقنا”.

وتابع :” أعتقد الناس بتتفرج علي اليورو وشافت قد إيه في أخطاء من حراس وبردو فيه تألق طبعًا، بس الخطأ وارد حتي في واحدة من أكبر البطولات اللي بتتلعب في العالم وشايفين حد زي كييزا وكاسبر شمايكل أبناء لأساطير وبيلعبوا مع منتخباتهم.”.

وأتم ” مصطفى” :” بالتوفيق يا أخويا في الجاي إن شاء الله ربنا يكرمك”.