مقدمة نارية من أحمد شوبير بعد تأهل منتخب مصر الأولمبي لربع نهائي أولمبياد طوكيو – فيديو
أشاد الإعلامي أحمد شوبير بتأهيل المنتخب الأولمبي إلى الدور الثاني من منافسات دورة الألعاب الأولمبية المقامة حاليًا في طوكيو بعد الفوز على استراليا بهدفين نظيفين.
وقال ” شوبير” :” الهدف الثاني لعمار حمدي هو صاحب الفضل في صعود المنتخب، وكان لازم يكون إرادة الأمل في المكسب، ولازم نعترف اننا عندنا كتير، ومش عارف ليه دايما نقلل من قيمة أنفسنا وننقاد لتصريحات وحملات تقلل من شأننا”.
وأكد ” شوبير” : “عندنا منتخب مصر كويس، والرياضة في مصر الفترة دى ماشية في سكة تانية خالص، في ألعاب زى السلاح و الخماسي، والكاراتيه”.
وأضاف ” شوبير” خلال تقديمه حلقة جديدة من برنامج ” ملعب أون” على قناة ” أون تايم سبورت” : “الكل كان خايف قبل مواجهة أستراليا، والحقيقة أنه فريق عادي مش مخيف، خاصة بتشكيل منتخب مصر بكل اللى النجوم اللي فيه”.
وتابع :” ياريت نحط كل حاجة في حجمها الطبيعي، ومش غريب اننا نصعد في الدوري الثاني للأولمبياد، وصعدنا قبل كده اكتر من مرة وكنا قريبين اننا نعدي الأدوار الثانية”.
وأكمل ” شوبير” : “قولت للناس تصبر على المنتخب قبل مباراة أستراليا، والفوز النهاردة كان مهم ومن غير هدف عمار حمدي كنا هنصعد برضوا، وكان شكلنا حلو في الملعب”.
وأتم ” شوبير” : “الناس اللى كانت بتهاجم شوقي غريب على اختيار الثلاثي الدفاعي النهاردة بتقول عليهم انهم نجوم”.
شاهد:
