اول تعليق من قناة الزمالك على تعادل الاهلي امام الاسماعيلي

اكد خالد الغندور مقدم برنامج زملكاوي عبر قناة الزمالك ان مباراة الزمالك القادمة امام الاسماعيلي هي مباراة الدوري عقب تعثر الاهلي امام الدراويش

وقال : زي مانتو عارفين الزمالك متصدر الدوري العام بفارق نقطتين عن اقرب منافسيه بعد تعادل الاسماعيلي مع المنافس ، لسه بدري المنافس تعادل واحنا رايحين نلعب في الاسماعيليه وده مفيش تكافؤ فرص نصيبنا كده ودايما في دوافع للفرق اللي بتلاعبنا مباراة صعبه جدا الاسماعيلي بقيادة ايهاب حلال عنده عناصر رائعه واستطاع العوده

وواصل : وتوقعت النهارده ان النتيجه غير متوقعه فوز الاسماعيلي او تعادله ، الفار تدخل في الوقت المناسب لعدم احتساب ضربة جزاء على الاهلي وهو قرار صحيح لانها فاول من الاول ورجع نص ساعة لورا

وشدد :  دفعة معنويه قويه للعيبة الزمالك وبقى بايدك تاخد الدوري عندك فرق نقطتين وتنفرد وحيدا ولا مواجهات مباشره وبتنفرد بالصدارة بعد تساويك مع المنافس في عدد المباريات

وتابع : موسم الاتحاد وبيراميدز كله كان امبارح الناس وجماهير المنافس كانت بتأمل بتعادل الزمالك وكانوا سعداء بتصريحات احمد مجاهد اللي قال ان الاتحاد لو فاز هيتاهل للكونفيدراليه ، وده خلى كارتيرون بعد المباراة يكلم وقال حاجات مترجمهاش المترجم وقال ان لعيبة الاتحاد بتلعب بايذاء وشراسة ومش عاوز اقول اللفظ القوي الي قاله كارتيرون

واتم : احنا فوزنا والفوز ده خطوه نحو الدوري وتعادل المنافس النهارده ان يكون الدوري بايدينا
هو كان افضل منك ف المواجهات المباشرة فارق الاهداف وليس لها قيمة دلوقتي ، ومن وجهة نظري ماتش الاسماعيلي هو ماتش الدوري وهيكون عندهم حافز كبير زي ماحقق نتيحة ، ولابد ان لعيبة الزمالك في الموسم ده و بتعبه كله ان 90 دقيقة مهمين جدا لان بعدها مباريات مع دجلة وسيراميكا