تحدث حسن يسرى المشرف على فريق اليد في نادي الزمالك عن استعداد الفريق لمواجهة الأهلي في بطولة السوبر الإفريقي والمقرر إقامتها يوم 18 من شهر أغسطس الجاري.
وقال” يسرى” : “المدرب الإسباني جاي والفريق ده بيكسب بطولات كتير وفيها ضغط عالي وشغال كويس،ومستني لاعبي المنتخب”.
وأشار :” ماتش السوبر يوم 18 توقيته صعب لان عندك 7 لعيبة هيوصلوا لسه يوم الخميس يوم 12 وعندهم السوبر بعد 6 أيام السوبر الإفريقي وبكلم على الزمالك والأهلي”.
وأضاف ” يسري” في تصريحات لقناة ” الزمالك” :” ووصلوا للتوب فورم في الأوليمبياد وده مش في مصلحة الزمالك لان عنده 7 لعيبة في المنتخب عكس الأهلي وعلشان تعرف تقعد معهم وتطلعهم من الحالة النفسية هم حسوا انهم معلموش حاجه رغم انهم ادوا”.
وتابع :” كان من الطبيعي يأخذوا إجازة أسبوع بعد العودة من اليابان هم محتاجين استشفاء بعد اللي قدموا واكيد هيتعمل برنامج لهم وهيتم للتواصل معهم للحفاظ على حالتهم البدنية”.
وواصل ” يسرى” : “الزمالك هيدخل معسكر مغلق يوم الأحد استعدادًا للسوبر الإفريقي يوم 18، وتعاقدنا مع كريم هنداوي وهو من الناس اللي اتشرفت ان لعبت معه وأعرفه لأنه محترم ومؤدب ومجتهد وبيحب الخير لكل الناس”.
