اكد حسين لبيب رئيس مجلس ادارة الزمالك انه تم الاتفاق من اليوم الاول علي التعامل بهدوء وعقلانية مع المنافسين والاتحادات في الوسط الرياضي دون التنازل عن حقوق الزمالك
واشار الي ان مجلس الزمالك اظهر غضبة واتخذ قرارات طارئه بسبب التجاوز الدائم في حق النادي ، وحرصه علي تهدئه الاجواء ويحدث عكس ذلك من المنافس
حيث قال حسين لبيب : إحنا عملنا بيان مع قنوات أون وقناة الأهلي، و فخورين بيه لإن دي كانت سياسة الدولة لنبذ التعصب والخلافات، وإحنا مع سياسية الدولة ولأن الزمالك دورة كبير كونه اكبر قلعة رياضه في مصر، ونحن لم نخطئ في شئ
واشار : الزمالك لم يخطئ، الجميع شاف اللي حصل لكابتن الزمالك ٢٥ سنة شيكابالا وتعرضه للهجوم والتطاول، إحنا وراء أبناءنا والمنتمين لينا حتي اللي بينتقدوا اللجنة في القنوات الاخرى
واستكمل : وإحنا مش عايزين حد يشكر فينا، لكن مينفعشي نسكت لما نشوف حد بيتوجه ليه اتهام علشان بيدافع عن الزمالك، لأ هنقف وهندعم حقوق الزمالك وكل أبناءه طالما محدش أتجاوز في حق حد
وشدد : إحنا من أول ما جينا وعندنا سياسة أننا بنحترم كل الأندية وبنحترم كل الناس وعايزين الأجواء تبقى هاديه
واستطرد : قدمنا مرتين تهنئه للنادي الأهلي وفي المرة الأولى حصل تقليل ومتمش ذكر اسم الكابتن وانا مهتمش لكن الجماهير بتركز في البروتوكول، المرة الثانية حصل تهكم وكان وقتها لازم نسحب التهنئه دي، لأن اللي بنعمله بيتقابل بشكل عكسي.
