وجه حسين لبيب رئيس مجلس ادارة الزمالك رسالة الي الجمهور بدعم النادى والفريق ، مشيرًا الي انه لا يهدف لدخول الانتخابات القادمة كون البعض يشكل خصومه معه لهذا السبب
واشار الي انه يتمني ويطلب من الجمهور والجميع الموقوف خلف النادي كونه بحاجة كبيرة الي ذلك الامر
وقال : كلمة من قلبي انا بشتغل لنادي الزمالك مش عشان الانتخابات ميهمنيش الانتخابات وعشان فيه ناس بتقف ضدنا لمجرد انها متخيلة اننا بنشتغل للانتخابات
واستكمل : فيه حاجات بنشتغل فيها محدش يعرف عنها حاجة ومش هتفيدني لو كنت بشتغل للانتخابات و لازم تعرفوا وتتاكدوا اني انا بشتغل فقط عشان يستمر نادي الزمالك أكبر قلعة رياضية في مصر
واستكمل : دايما نادي الزمالك بيكون رد فعل و كلنا شوفنا الي حصل مع الكابتن شيكابالا الي هو طول عمره محبوب الزملكاوية واسطورتهم ولابد كلنا ننبذ كل من تطاول على كابتن شيكابالا
واضاف : احنا بنحرص على نادي الزمالك ولا يهمنا ان حد يدافع عن اللجنة ولا أسماء في اللجنة و أنا عايز الناس تدافع عن الكيان وعشان كدة انا طالع أدافع عن المنتمين للكيان ومن ضمنهم كابتن الزمالك شيكابالا
وتابع : احنا المباديء عندنا مش كلام والي اتعلمناه في الزمالك اننا ندافع عن ابناء الزمالك طول ماهم مابيغلطوش وانا مشوفتش حد من الزمالك بيطلع يقول ان فيه نادي بيكسب بضربات الجزاء ودة مش ضرب للزمالك دة ضرب لاتحاد الكرة بنفسه
واستطرد : مازلنا فاتحين ايدينا لكل الأندية على مستوى مصر وعلى كل الاتحادات الرياضية و من اول يوم لينا محصلتش اي مشكلة يينا وبين أي حد وبنقدر ندافع عن الزمالك بالطريقة المحترمة وبالاسلوب المحترم في المكان المناسب .
