عادل عبدالواحد يكشف سبب رفضه العمل مع لجنة عماد عبدالعزيز .. ويفتح النار على ساسى

اكد عادل عبدالواحد لاعب الزمالك السابق عبر قناة الزمالك انه جلس مع لجنة عماد عبدالعزيز وكان له نظره انها لجنة غير منضبطه

وقال : بعد رحيل المجلس كلموني ايمن يونس اشرف قاسم للتواجد معهم وعقدنا جلسه في حضور عماد عبالعزيز وابراهيم عبدالله وحصل موقف ما وقولت اللجنة دي مش مظبوطة لان في ناس عاوزه هي اللي تسيطر على الامور

واشار : واحد في الجلسة دي قال ان كل الاسرار بتطلع بره الاوضه دي وانا قولت الامور مش كويسه

وتابع : انا عارف كل الامور ف الزمالك لان اشتغلت لعام 2018 داخل الزمالك وكل الاخبار بتجيلي من خلال علاقاتي في الزمالك انا اتاخدت وكلمت ايمن وقولتله في حاجه مش مظبوطه

واستطرد : قعدنا مع فرجاني ساسي ولازم نقول للجمهور ان ساسي مكنش مخلص للزمالك ومش اصيل للزمالك بما يرضي الله ساسي لعب على الحمهور لعبة مش مظبوطه ، قعدنا معه ومع وكيله مهند عون وهو واد متعب

وشدد : رئيس النادي السابق عمل لساسي مليون و200 الف دولار مدفعش له فلوس لحد شهر7 والدوري كان واقف

واستكمل : كابتن ايمن يونس قال لطارق حشيش توفرلي فلوس كذه لساسي المهم توفر ، وقولنا هنعطيه 10% وهنعطيه مليون و300 الف دولار

وواصل : قعدنا وطلب ساسي 2 مليون و600 الف دولار لمدة سنة وياخد التلت عند التوقيع وده مش منطقي واحنا قولنا مليون و400 الف ، انت جبت ايه للزمالك وعملت ايه علشان تاخد 2 مليون و600 الف وقولت الكلام ده مينفعش ومفيش فلوس كمان والمنطقي تاخد 10% زياده