رد مختار مختار المدرب السابق للعديد من الأندية المصرية، على إمكانية تفويت بعض المدربين لنتائج المواجهات أمام الزمالك والأهلي، وذلك بعد تعالى نغمة التفويت في المواجهات مع اقتراب مواجهات حسم بطولة الدوري العام.
وقال ” مختار” :” الكلام ده سيء جدًا، وأكيد أنا بحب النادي الأهلي، وبشجعه وليه فضل عليا، لكن مهما يكون هذا الكلام، لكن سعادتي لما بكسب الأهلي، وده بيتكتب في تاريخي”.
وأضاف ” مختار” في تصريحات لبرنامج ” ملعب أون” على قناة ” أون تايم سبورت” : “هل ينفع أتعامل مع اللاعبين، واقولهم كلام عن الدعوة واقولهم اني اسيب للنادي الأهلي، ثم إني باخد راتب من الفرق التانية وهل لو فوت للأهلي راتبي ده هيكون حلال”.
وتابع :” صعب إنى احن أو أغير موقفي علشان مينفعش، ومش عارف حتى أقول للاعبين ايه، وشكلى ايه قدام ربنا”.
وتساءل :” هل يقبل أن الإنسان يكون بالشكل ده أو الشخصية دي، ولا اعتقد ان فيه مدرب تابع للزمالك والأهلي يكون شخصية سيئة”.
وأتم ” مختار” : أحد اللاعبين السابقين هاجمني مؤخرًا وانا بحفظ لساني، ومش برضى اغتاب حد حتى لو على سبيل الهزار لإن كلمة الإنسان بيقولها تكتب على الإنسان وربنا يعلم بيها “.
شاهد:
“يبقى شكلي ايه قدام ربنا”..مختار مختار يرد لأول مرة 🔥💥 على مقولة “تفويت المدربين للمباريات أمام الأهلي والزمالك” #ملعب_ONTime#ONTime_Sports pic.twitter.com/CZ1wtBz3Zg
— OnTime Sports (@ONTimeSports) August 6, 2021
