مدحت العدل يطلق قذائفه على لجنة مجاهد: قعدوا شيكابالا في البيت عشان مضايقهم.. كان ناقص يحكموا عليه بالإعدام!!

أكد السيناريست مدحت العدل عن عزمه تجهيزه احتفالية كبرى لنادي الزمالك بمناسبة تتويجه بطلا للدورى للمرة 13 فى تاريخه.

وقال مدحت العدل خلال تصريحات لإذاعة “أون سبورت إف إم”: “الدورى الذى فاز به الزمالك يساوى التتويج بعشر بطولات دورى، لأنه واجه فيه مواقف قدرية وأخرى مصطنعة وتمكن من تجاوزها، واللاعبون أثبتوا أنهم رجال، أنا انتقدتهم كتير عندما خرجوا من إفريقيا بس لازم أشيد بيهم”.

وتابع: “أى حد بيفهم فى الكورة هيبقى مقتنع إن شيكابالا من أفضل 5 لاعبين فى تاريخ مصر الكروى، ولو كنت رئيس الزمالك سأمنحه أعلى راتب لأنه شال الفرقة خمس سنين وسط لاعبين لا تليق بالقلعة البيضاء”.

إقرأ أيضا | أيمن يونس يفتح النار على اتحاد الكرة بسبب عقوبة شيكابالا: استقيلوا أشرف للكل!! صورة

وأضاف: “مشكلة كهربا اتحلت بقعدة عرب وأحمد مجاهد تراجع عن إيقاف محمد الشناوى حارس الأهلى فى ثوانٍ بداعى المصلحة الوطنية، وخد قرار أن شيكابالا يقعد فى البيت بقى كفاية كده عشان مضايقهم، كان ناقص يحكم بالإعدام على شيكابالا برفض انفلات الأعصاب ولكن المساواة فى الظلم عدل”.

وواصل: “كلمة أنت أهلاوى مش شتيمة هو نفسه بيقولها فى كل أحاديثه التليفزيونية وبيعترف فيها على الملأ وكمان عايز يلغى كأس مصر يا أخى إن لم تستحى فافعل ما شئت، لازم الكأس يكمل”.

وأتم:” بحضر لاحتفالية كبرى تليق بإنجاز الزمالك مع أحمد السقا وهانى شاكر وأحمد حاتم وهشام ماجد وجمال العدل، وهنستأذن مجلس الإدارة تتعمل فى النادى وعلى أعلى مستوى بدون كهارب يعنى”.