ومازال التضارب مستمرا !! الغندور يحسم الجدل حول ضم الزمالك لرمضان صبحي وعبدالله السعيد

واصل خالد الغندور مقدم برنامج زملكاوي عبر قناة الزمالك التضارب في تصريحاته حول ضم رمضان صبحي وعبدالله السعيد من بيراميدز او عدمه

وقال خالد الغندور : قولتلكم ان الزمالك لم يتفاوض مع عبدالله السعيد او رمضان صبحي ، ولكن الزمالك بيأمل ويتمنى ضمهم بس في حاجتين هو فلوس رمضان صبحي كبيره جدا له ومقابل شراءه من النادي الانجليزي

واشار : ففكرة ان رمضان يجي للزمالك صعبه فالاولى التجديد لبن شرقي، وفى اعلاميين قالوا عبدالله السعيد مضى خلاص وانا قولته ان الزمالك لم يتفاوض اصلا معه او مع بيراميدز

وواصل : انا طلعت في الراديو وقولت عبدالله له رغبه ينهي مشواره مع الزمالك ، في اعلامي قال ان قولت حاجه عكس الراديو ، انا قولت مفيش مفاوضات مع عبدالله وعبدالله هو اللي عاوز يلعب ف الزمالك وعنده 36 سنة وحياته ف الملاعب سنه اوسنتين والزمالك مش هيدفع فيه مقابل

واستطرد : ولوقدر هو ينهي مشوراه مع بيراميدز ماشي ، لكن يروح يتفاوض ويدفع مبلغ ده كلام غير حقيقي لازم نخاطب الناس في الصح

واستمر : كل مايقال ان الزمالك وقع مع لعيبه هو كلام وكلاء فقط ، الزمالك اتفق مع لعيبة عن طربق انديتهم بس نهاية الموسم

واستطرد : احنا محافظين على الفريق ومش مستعجلين وفي اتفاقات مع لعيبة وكارتيوون اتفق مع حسين لبيب على اللعيبة ، ومفيش ولا لاعب اجنبي الا لاعب واحد فقط