جنش: حزين لرحيلى عن الزمالك.. ولم أجد تقدير على اللى عملته في النادي – فيديو
أكد محمود عبد الرحيم جنش حارس مرمى نادي الزمالك المعار إلي صفوف فريق فيتوشر، أنه لم يكن أن يتمنى الرحيل عن صفوف الزمالك، مشددًا على أنه لم يعامل يبشكل لائق من قبل بعض المسؤولين.
وقال ” جنش” :” انا لم أكن أتمنى الرحيل عن الزمالك، وانا حزين من أجل رحيلي، انا صعبان علي كل إللي عملته وفي الآخر ملقيش التقدير، انا مستاهلش إللي حصل، انا لي حق واتقلب عليا وكان بيتكتب حاجات غلط عني واتسرب أخبار غلط عني”.
وأضاف ” جنش” خلال إستضافته في برنامج ” ملعب أون” على قناة ” أون تايم سبورت” :” انا معملتش فلوس من النادي بل بالعكس انا أول ما أخدت الفلوس من النادي بتاعة العقد الجديد كنت محتاجها جدا ولكن لما النادي كان محتاج الفلوس رجعت ليهم الفلوس تاني رغم إني كنت محتاجها وأخدتها بعد 4 شهور”.
وتابع :” أنا أي فلوس كان ممكن أخدها من أي نادي أخر كانت هتكون أكتر من كل الفلوس إللي أخدتها على مدار 10 سنوات من النادي”.
وأتم ” جنش” : “أنا رفضت عرض من السعودية قبل التجديد بفلوس كتير، لأني مش بشتري فلوس انا بشتري نادي، وانا لو كنت ضربت كارتيرون وكان عندي إعلام يساندني مكنش كل ده حصل، رغم إن أمور زي دي حصلت قبل كده من أخرين، بس انا مش بحب أتكلم عشان مش بحب أذي أحد”.
شاهد:
