جنش يبكي علي الهواء : ضيعت عمري مع الزمالك و تمت معاملتي بشكل سئ ولا أصدق أن تكون هذه نهايتي – فيديو
دخل محمود عبد الرحيم ” جنش” حارس مرمى نادي الزمالك المعار إلى صفوف فريق فيوتشر، في نوبة بكاء على الهواء خلال استضافته في برنامج ” ملعب اون” على قناة “أون تايم سبورت” خلال حديثه عن رحيله عن صفوف الفارس الأبيض.
وقال ” جنش” :” النائب أحمد دياب تعامل معي بشكل جيد في نادي فيوتشر وصدق كلامي وحس إني تعرضت لظلم ومكسور، لأنى مستهلش اللى حصل فيا، والناس كانت واخدة فكرة غلط عني”
وأضاف ” جنش” وهو في حالة بكاء :” أنا ضيعت عمري في النادي ده، وعملوا معايا حاجات مش كويسة وملقتش حد يقف جنبي، ولغاية دلوقتي مش مصدق اللى الناس دى عملته معايا”
وتابع :” تخيل واحد أول مرة أقعد معاه يصدقني وعارف انك معملتش حاجة والنادي ليه يقول للناس إني عملت جناية وكانى لم أقدم شيء للنادي، وفيه ناس معاها شوية صحفيين وصفحات وده واقع النادي عايش فيه دلوقتي”
وأكد ” جنش” :” أنا اكيد غلطان في الموضوع أنا مش ملاك، وأنا غلطان أنا زعقت للراجل بصوت عالي”.
وأتم ” جنش” :” كنت بسرح بنفسي وان في التدريبات مع فيوتشر في أول عشرة أيام واقول لنفسي انا لية مش في النادي، أنا ليه هنا، انا قعدت في الزمالك 10 سنين”.
شاهد:
