علق أحمد حسام ميدو نجم المنتخب المصري السابق، على لقطة مشادة محمد الشناوي حارس مرمى المنتخب المصري، مع عصام الحضري مدرب حراس المرمي أثناء خروجه من اللقاء.
وشهد الشوط الأول من لقاء المنتخب المصري ونظيره الليبي، خروج محمد الشناوي، بعد إصابته في العضلة الخلفية، وسط حالة من الاعتراض على عصام الحضري، مدرب حراس مرمى المنتخب أثناء خروجة.
وقال ” ميدو” :” واضح جدًا ان الشناوي مكنش سليم بشكل كامل قبل القاء، وهو كان بيتكلم مع حجازى وطبيب المنتخب قبل خروجة، ثم وجه كلامه للحضرى وقالة انا قولت إنى مشطوش الكورة”.
وأضاف ” ميدو” في تصريحات لبرنامج ” الحكاية” على قناة ” إم بي سي مصر” :” كان رأي انه مكنش لازم يبدأ اللقاء طالما أنه مصاب، وما اعلمة أن الثنائي كانت علاقتهم طيبة أثناء وجودهم في الأهلي، و الحضري أحسن حارس في تاريخ مصر ”
وأكد ” ميدو ” :” تاريخ عصام الحضري يشفع له عندنا كلنا، ولابد من مساندته ودعمه ولا يجب أن نقسو عليه، وعلينا جميعًا أن ندعمه”.
ومن جانبه مازح عمرو أديب مقدم برنامج ” الحكاية” ميدو” بسبب لقطة الشناوي والحضري قائلا :” طبعا مش لازم اقولك انت الكلام ده، لكن اللاعيب المفروض وهو طالع يغير وخلاص وميتكلمش مع المدرب بتاعه”.
ورد ” ميدو” ضاحكًا :” أنا آخر واحد تقوله الكلام ده”.
وأتم ” ميدو” :” الشناوي مكنش بيعترض على خروجة هو كان زعلان على إصابته وهو كان بيقول أنا قولتلكم مشطوش الكرة”.
شاهد:
عمرو أديب يمزح مع ميدو: المفروض اللاعب وهو خارج ما يتكلمش زي بره.. وميدو: أنا آخر واحد أتكلم عالموضوع ده#الحكاية#MBCMASR
اشترك الآن في Shahid VIP من هنا:https://t.co/XDf1vTPCu2 pic.twitter.com/FCgfqOQCbO— MBC مصر (@mbcmasr) October 11, 2021
