كشف أمير مرتضى منصور “المشرف العام على الكرة” على طريقة العمل في الفترة الحالية مع الفريق و اللاعبين و وضع أسس نسير عليها الفترة المقبلة.
و قال أمير مرتضى منصور في تصريحات صحفية : معندناش أي مشكلة مع كارتيرون وإحنا اللي جبناه أصلا ومحدش مشاه نهائيا وطلبنا منه إنه يقعد في الفترة الماضية.
و تابع : مش هندخل نعند مع حد أو نعمل خناقة مع حد علشان نقول مين أقوى من الثاني انا هدعمه وهنرجع هنقفل على نفسنا تاني زي زمان.
و واصل : اللي حصل قبل كده مش هيتكرر تاني والتصريحات الكثيرة في الاعلام أنا دوري أوفر المناخ للكل يشتغل ونتصدى لأي حاجة تعطل الكلام ده
و أضاف : إحنا لسه واصلين ومقبلناش حد وكارتيرون والفريق داخل في معسكر مغلق أصلا ومش هنقابل حد دلوقتي.
و أكمل : إحنا هنشوف اللي الفريق محتاجه وهنعمله ومفيش حاجة اسمها مفيش مصري في الجهاز لإن في اساسيات لازم تكون موجودة .
و أتم تصريحاته قائلاً : مينفعش تيجي تقولي مفيش سواق للاتوبيس، لو كده هنمشي الادارين وكل الناس وافضل اعمل كل حاجة لوحدي إحنا لسه هنقعد معاه ونحتويه ونشوفه، انا مش جاي اصطدم بيه نهائيا.
تعليقات زوار الموقع
إتبعنا
