مدحت شلبي يرد على شكوى لجنة الزمالك .. ويمازح عمرو أديب بشأن “الزغلول” – فيديو
علق مدحت شلبي، على الأزمة الأخيرة التي طالته بسبب مباراة القمة بين الأهلي والزمالك، قائلًا: أنا راجل معلق، ولازم أقول أي أفيه عشان المشاهدين، وأعمل حالة.
وكان اللجنة المعنية لإدارة نادي الزمالك اعلنت في وقت سابق عن نيتها شكوى مدحت شلبي، بسبب تحيزه لصالح الأهلي في لقاء القمة الأخير بين الفريقين.
وأضاف “شلبي” خلال في مداخلة هاتفية مع الإعلامي عمرو أديب، ببرنامج “الحكاية”، عبر فضائية “mbc مصر”: “كلمة زغلول في المعجم العربي تعني “فرخ الحمام”، أو الكرة الخفيفة السريعة، بجانب أني اخترت كلمة “زغلول” عشان تمشي مع معلول، ومن كام شهر قلت نفس الجملة لما على معلول عمل هدف لعمرو السولية في ماتش أنتو كلكوا عارفينه، وقلت وقتها معلول حط الزغلول يعني قديمة مش جديدة”.
ومازح عمرو أديب “شلبي” قائلًا: “طيب ليه الزمالك مش أخد واحد “زغلول” في أي هدف من الثلاثة؟.. ليرد شلبي: “أنا قلت حاجات كتير، ومدحت في هدف مصطفى فتحي كتير.. ومش عايزك تزعل يا أديب.. هديك زغلول أما تكسبوا الماتش الجاي”.
وتابع “دة أنا يا راجل قلت مليون جملة تشجيع للزمالك وقلت أن دة ماتش ويعدي ولما قلت احنا لسة في أول الدوري والشاطر اللي يضحك في الآخر لكن زي ما قلت لما يطلع المتحدث الرسمي ويقول أن الزمالك معترض لأني كنت متحيز هتناقش معاك لكن لما يقول اني قلت كلام مينفعش يخش البيوت يا أخي عيب لازم تكون مثقف”
وأختتم ” شلبي” : “سعد زغلول الزعيم وفاتن حمامة هو الزغلول عيب ولا الزغلول الأحمر في مشكلة، بس الأهلوية شطار على السوشيال ميديا وعملوا موضوع ولو أخدنا المواضيع بلطف الدنيا هتبقى لطيفة”
شاهد:
