شهدت الساعات الماضية تراشق بين الإعلامي إبراهيم فايق وإبراهيم سعيد لاعب الزمالك والأهلي السابق، بشأن كارلوس كيروش، المدير الفني لمنتخب مصر الأول لكرة القدم.
وأشاد إبراهيم فايق بـ كيروش عقب التعادل مع الجزائر، عبر حسابه الرسمي بموقع التواصل الاجتماعي “تويتر”: “عندنا مدرب كبير.. عندنا منتخب عظيم.. حمدلله على السلامة”.
ليرد عليه إبراهيم سعيد ساخرًا: “انت عشان التشكيل بيتبعتلك من الجهاز قبلها بيومين لازم يبقي مدرب كبير”، في إشارة منه بأن الإعلامي إبراهيم فايق يدعم كيروش بداعي المصلحة المشتركة، لأن أحد أفراد الجهاز المعاون يقوم بتسريب التشكيل له قبل المواجهات.
إقرأ أيضا | الإتحاد الجزائري يتقدم بإحتجاج رسمي بسبب مباراة مصر في كأس العرب | تعرف على التفاصيل
ولم يصمت إبراهيم فايق عن سخرية لاعب الزمالك والأهلي السابق: “صباح الفل.. ده اتهام في ذمة ناس محترمة وكبيرة يا هيمه وذم فيا انا شخصيا وده كلام مايطلعش منك وانت عارف الأصول كويس.. بلاش لو عندك مشكلة شخصية مع حد في الجهاز يبقى ده رد فعلك.. ولو عندك مشكلة مع الأداء انتقدهم براحتك فنيا بدون تشويه وتشكيك في ذمم الناس”.
وتحول الأمر إلى تراشق غير مباشر بين الطرفين، عندما عاد ورد إبراهيم سعيد: “صباحك ورد وخير حبيبي هي الصراحه بقت مشكله شخصيه وانا مليش مشكله مع حد اصلا وبلاش تدخلنا في حوار غير اللي بتكلم فيه معاك عشان مش بيمشي معايا الحوار ده وانت عارفني شخصيا، وانت عارف مين صاحب مين وبيديله التشكيله عشان تجيلك وتعلنها، وانا مش بشكك دي حقيقه علي فكرة”
ثم رد فايق على اتهام إبراهيم سعيد، قائلا: “برضه تاني ما انا بنفرد بالتشكيل من أيام كوبر وأجيري ومن بعده حسام البدري وكل دول أجهزة فنية مختلفة؟!. ايه الجديد المختلف المرة دي؟! اكتر من ٥ سنين بنفرد بالتشكيل ولا عمرك قولت انه بيتسرب لي من الجهاز.. اشمعنى المرة دي بقى فيه حد بيسرب لي من الجهاز؟”.
